Бремен университетинин илимий кызматкери ОшМУда конок лекция өттү

Башкы Жаңылыктар

Бремен университетинин илимий кызматкери ОшМУда конок лекция өттү

Image

2026-04-07 / 111 / 02:04:34

Ош мамлекеттик университетинин (ОшМУ) Чыгыш таануу институтунда Германиядагы Бремен университетинин илимий кызматкери, PhD Элира Турдубаева тарабынан онлайн форматта конок лекция өттү.

“Илимий изилдөөдөгү жасалма интеллект” аттуу лекцияга институттун студенттери жана магистранттары активдүү катышты. Алар заманбап технологиялардын илимдеги орду, мүмкүнчүлүктөрү тууралуу кеңири маалымат алышты.

Элира Турдубаева жасалма интеллектти илимий изилдөөлөрдө колдонуу жолдоруна токтолуп, маалыматтарды талдоо, академиялык жазуу жана изилдөө процесстерин оптималдаштыруу боюнча жаңы ыкмалар менен бөлүштү. Ошондой эле ал жасалма интеллектти туура, этикалык колдонуу маселелерине өзгөчө көңүл бурду. Иш-чара интерактивдүү форматта өтүп, катышуучулар суроолорун берип, практикалык кеңештерди алышты.

Институттун директору Жолдошбек Бөтөнөев лекторго ыраазычылык билдирип, мындай жолугушуулар студенттердин билим деңгээлин жогорулатууга, дүйнөлүк илимий тажрыйба менен таанышууга жана заманбап технологияларды өздөштүрүүгө мүмкүнчүлүк түзөрүн белгиледи.



 

Фото галерея

 

2026-04-07 / 183
ОшМУда кибералдамчылыктан коргонуу боюнча маалымат берилди
2026-04-07 / 202
ОшМУнун ректору Кытайдагы форумда кадрларды даярдоо маселеси боюнча баяндама жасады
2026-04-07 / 142
Профессор Бүшарипа Үкүева Өзгөндө жеке китепканасын ачты 
2026-04-07 / 142
Коллеждер аралык олимпиадада ОшМУнун студенттери байгелүү орундарды ээлешти