ОшМУнун доценттери Кокондо студенттерге лекция окуду

Башкы Жаңылыктар

ОшМУнун доценттери Кокондо студенттерге лекция окуду

Image

2026-04-21 / 123 / 09:04:53

16–17-апрелде Ош мамлекеттик университетинин Педагогика, искусство жана журналистика институтунун төрт доценти академиялык мобилдүүлүк программасы менен Өзбекстандын Кокон мамлекеттик университетинде болуп кайтышты.

Сапардын жүрүшүндө окутуучулар аталган окуу жайдын студенттерине конок лекцияларды окушту. Замирбек Бекмуратов «Аңгемелерди окутуу», Чинаркан Гапарова «Жогорку окуу жайларында көп тилдүү билим берүү: көйгөйлөрү жана чечүү жолдору», Малохат Мадумарова «Башталгыч класстарда адабий окуу сабактарында окуу көндүмдөрүн калыптандыруу», Кызбурак Маданова «Кыргыз оозеки чыгармачылыгындагы балдар ырларынын жанрдык түрлөрү» деген темаларды камтыды.

Мындан тышкары делегация университеттин окуу-усулдук иштери, билим берүү процесси, илимий багыттары менен жакындан таанышты. Педагогика факультетинде өткөн жолугушууларга жана тегерек столдорго катышып, заманбап окутуу методдору, инновациялык педагогикалык технологиялар, илимий изилдөөлөрдү өнүктүрүү маселелерин талкуулады.

Жыйынтыгында эки университет кызматташтыкты мындан ары тереңдетүү боюнча макулдашты. Мындай академиялык мобилдүүлүк программалары тажрыйба алмашууну күчөтүп, аймактагы билим берүүнүн сапатын жогорулатууга жардам берери белгиленди.

 

Фото галерея

 

2026-04-21 / 113
ОшМУда Кытай тарап менен бирге курулушчулар үчүн окуу-практикалык база ачылат
2026-04-21 / 162
ОшМУнун окутуучусу эл аралык иш-чарада кыргыздардын байыркы теги тууралуу баяндама жасады
2026-04-21 / 127
ОшМУда Түркиядан келген 14 окутуучу бир жума бою тажрыйба бөлүшөт
2026-04-20 / 289
«Билим» мектебинде өзгөчө балдар үчүн эки инклюзивдик каана ачылды