ОшМУда “Англис тили” курсунун бүтүрүүчүлөрүнө сертификаттар тапшырылды

2025-03-27 / 1437 / 02:03:10

Борбор Азия университети “Англис тили” курсун ийгиликтүү аяктаган 24 угуучуга сертификат берди. Тапшыруу аземи кечээ, 26-мартта Ош мамлекеттик университетинде өттү.

Иш-чарага Билим берүү жана илим министрлигинин, Ош шаардык билим берүү башкармалыгынын, ОшМУнун администрациясынын өкүлдөрү жана өнөктөштөр катышты.

Окуу курсунда англис тили мугалимдеринин квалификациясын жогорулатууга, педагогикалык практикаларды жакшыртууга жана лидерлик сапаттарды өнүктүрүүгө басым жасалды. Ошондой эле мамлекеттик кызматкерлердин ишин жакшыртып, ар кандай талкууларга активдүү катышуусу үчүн англис тили көндүмдөрүн бекемдөөгө багытталды.