ОшМУ менен Кытай университетинин кызматташтыгы узартылды

Башкы Окуялар

ОшМУ менен Кытай университетинин кызматташтыгы узартылды

Image

1970-01-01 / 223 / 06:00:00

Ош мамлекеттик университети (ОшМУ) менен Синьцзян педагогикалык университети ортосундагы кызматташуу келишими узартылды. Бул тууралуу Конфуций институтунун башкармалыгынын 13-апрелдеги 8-жыйынында белгилүү болду.

Жыйынга ректор Кудайберди Кожобеков жана Кытай тараптан университеттин партиялык комитетинин төрагасы Цзян Хайцзюнь баштаган делегация катышты. Тараптар кызматташууну мындан ары өнүктүрүү, 2026-жылга карата иш пландар, каржылоо багыттарын талкуулашты. Ошондой эле Конфуций институтунун өткөн жылдагы ишмердүүлүгүнө баа берилип, алдыдагы артыкчылыктуу багыттар аныкталды. Иш-чаранын жүрүшүндө студенттер кытай маданияты боюнча маданий программа тартуулашты.

ОшМУнун алдындагы Конфуций институту 2013-жылы түзүлгөн. Институт  Кыргызстан менен Кытайдын билим берүү жана маданий байланыштарын чыңдоого багытталган. 2016-жылдан тарта анын базасында кыргыз-кытай факультети иштеп келет. Учурда факультетте лингвистика, кытай таануу жана филология багыттары боюнча бакалавриат, магистратура деңгээлдеринде адистер даярдалууда.

 

Фото галерея

 

1970-01-01 06:00:00 / 129
ОшМУ Казакстандагы ЖОЖ менен туруктуу өнүгүү боюнча кызматташууну күчөтөт 
1970-01-01 06:00:00 / 235
Студенттер өнүгүү жана лидерлик боюнча окутуудан өттү
1970-01-01 06:00:00 / 407
ОшМУда көкүрөк рагын алдын алуу боюнча эл аралык долбоор талкууланды
1970-01-01 06:00:00 / 391
ОшМУда Түркия стипендияларына кабыл алуу башталды