Студенттер жаш окумуштуулардын эл аралык конференциясына катышты

Башкы Жаңылыктар

Студенттер жаш окумуштуулардын эл аралык конференциясына катышты

Image

2024-12-16 / 652 / 04:12:06

Бишкекте Жамааттык коопсуздук келишим уюмунун Парламенттик ассамблеясынын алкагында «Улуттук коопсуздуктан глобалдык коопсуздукка: Борбор Азиянын туруктуу өнүгүүсүнө чакырыктар менен коркунучтарды көп кырдуу анализ» аттуу университеттер аралык биргелешкен эл аралык илимий-практикалык конференция болуп өттү. Иш чара 11-декабрдан 14-декабрга чейин уланып, ага жаш окумуштуулар жана студенттер катышты. 

Конференциянын алкагында Ош мамлекеттик университети Кыргыз улуттук университетинин базасында «Жарандык коомго карата бузулган идеологиялык таасирлерди нейтралдаштыруу маселелери» деген темада тегерек стол уюштурду. Ага окуу жайдын жыйырмадан ашык студенти, магистранттар онлайн жана оффлайн катышып, баяндама жасашты.

Талкууда бузулган идеологияларга каршы күрөшүүнүн мааниси жана жаштардын радикализми менен экстремизминин алдын алуу тууралуу сөз болду. Ошондой эле жаштарды идеологиялык таасирлерге туруктуу болууга тарбиялоонун социалдык-психологиялык негиздери талкууланды. 

Иш-чарага Кыргызстан, Орусия, Өзбекстан, Армения, Беларус жана Тажикстандан келген экспертер, окумуштуулар, ошондой эле мамлекеттик мекемелердин өкүлдөрү катышты. 













 

Фото галерея

 

2024-12-24 / 509
ОшМУнун эң мыкты студенттерине «Атуулдук стипендия» тапшырылды
2024-12-24 / 331
Окутуучулар менен студенттер Оштогу жатак мектепке жаңы жылдык кече уюштурушту
2024-12-23 / 547
ОшМУнун доценти биологиядагы жетишкендиктер боюнча эл аралык конференцияга катышты
2024-12-23 / 541
ЖОЖдорго КЫШКЫ КАБЫЛ АЛУУ БАШТАЛДЫ