ЖЫЛ ЖЫЙЫНТЫГЫ: 2025-жылы SCOPUS базасына 419 макала жарыяланды

Башкы Жаңылыктар

ЖЫЛ ЖЫЙЫНТЫГЫ: 2025-жылы SCOPUS базасына 419 макала жарыяланды

2025-12-23 / 1513 / 09:12:40

Кыргызстандагы илимдин кандидаттарынын жана докторлорунун жалпы санынын 10%дан ашыгы ОшМУда эмгектенишет. Бул тууралуу билет белеңиз? Аны сандар менен айтып беребиз.

Ош мамлекеттик университети илимий даражалуу окутуучулардын саны боюнча өлкөнүн алдыңкы окуу жайларынын катарында турат. 2025-жылы беш доктордук жана 39 кандидаттык (PhD) диссертация корголду. Муну менен илимдин кандитаттарынын (+PhD) жана докторлордун саны 600гө жетти.

Быйыл 378 илимпоздун макаласы Скопус базасында индекстелген илимий басылмаларга жарыяланды. 2021-жылдан 2025-жылга чейин алты эсеге өсүп, учурда 931 макалага жетти.

ОшМУнун окумуштуулары Кыргызстанда илимий макалалардын саны боюнча 3-орунда турат. Алардын эмгектери дүйнөлүк алдыңкы абройлуу Q1, Q2, Q3 басылмаларында жарык көргөн. “Ош мамлекеттик университетинин Жарчысы” журналынын импакт-фактору өсүп, илимий жетишкендиктер дүйнөлүк деңгээлге көтөрүлүүдө.

Университет илимий изилдөөлөрдү социалдык-экономикалык көйгөйлөрдү чечүүгө багыттап, акыркы беш жылда ички гранттарга 51 млн сомдук долбоорлор ишке ашырылды.

2025–2026-окуу жылында университеттик деңгээлде – 30, улуттук – 3, эл аралык – 8 инновациялык долбоор ишке ашты. ОшМУ 4.0 моделине ылайык өндүрүш жана илимий долбоорлорду интеграциялап, сегиз келишим түздү.