Кыргызстандыктарга Латвиянын ЖОЖдорунда окуу үчүн мамлекеттик стипендиялар берилет

Башкы Жаңылыктар

Кыргызстандыктарга Латвиянын ЖОЖдорунда окуу үчүн мамлекеттик стипендиялар берилет

Image

2023-02-16 / 4988 / 12:02:57

Билим берүү жана илим министрлиги 2023-2024-окуу жылына карата мамлекеттик стипендиялык программа боюнча кыргызстандыктарга Латвиянын ЖОЖдоруна тапшыруу үчүн документтерди кабыл алуу башталгандыгын маалымдайт.

Стипендиялык программа Кыргыз Республикасынын Билим берүү жана илим министрлиги менен Латвия Республикасынын Билим берүү жана илим министрлигинин ортосундагы кызматташтык жөнүндө макулдашуунун алкагында иштейт.

Документтерди кабыл алуу жана талапкерлерди конкурстук тандоону Латвия тарап жүзөөгө ашырат.

Окутуу жана изилдөө стипендиялары жөнүндө маалымат https://www.viaa.gov.lv/en/latvian-state-scholarships сайтында жайгаштырылган.

Өтүнмөлөрдү берүүнүн электрондук системасы 2023-жылдын 1-февралынан 1-апрелине https://scholarships.viaa.gov.lv/en/login сайты аркылуу ишке ашырылат.

Комиссия талапкерлердин арыздарын баалап, жыйынтыгын 2023-жылдын июнь айынын аягына чейин жарыялайт.

Жайкы мектептерге катышуу үчүн стипендия алууга өтүнмө бланктар https://www.viaa.gov.lv/en/summer-schools сайтында жеткиликтүү. Толтурулган арыздар жана документтер жайкы мектептин уюштуруучуларына 2023-жылдын 1-апрелине чейин берилиши керек.

Кененирээк маалымат алуу үчүн Латвия мамлекеттик билим берүүнү өнүктүрүү агенттигинин эл аралык кызматташтык программалары бөлүмүнүн улук адиси Марик Пирага кайрылсаңыз болот, электрондук почта: scholarships@viaa.gov.lv; Тел: +37167814331.

 

2024-11-27 / 384
ОшМУда 1-курстар аралык студенттик спартакиада жыйынтыкталды
2024-11-26 / 987
ОшМУда мугалимдер жана илим күнү белгиленди
2024-11-26 / 541
ОшМУ менен “БПН Бизнес-Академиясы” кызматташуу келишимине кол койду
2024-11-26 / 621
ОшМУнун окутуучусу эл аралык сынакка катышат