Район башчылары, айыл өкмөттөр эки күндүк окуудан өтүштү

Башкы Жаңылыктар

Район башчылары, айыл өкмөттөр эки күндүк окуудан өтүштү

2023-02-28 / 5026 / 04:02:42

2023-жылдын 27-28- февраль күндөрү ОшМУда Ош облусунун райондорунун башчылары-акимдерге жана айыл өкмөт башчыларына семинар-тренинг өткөрүлдү. Окутуу "Мамлекеттик башкарууда долбоорлорду башкаруу" темасынын алкагында болду.
Семинар-тренингди бизнес жана менеджмент факультетинин "Мамлекеттик жана муниципалдык башкаруу" кафедрасынын окутуучулары Нурмухаммед Аташбаев, Марат Юсупов жана "Экономика жана салыктар" кафедрасынын доценти Назгуль Матикеева өттү.
Иш-чара ОшМУ менен Кыргыз Республикасынын Президентине караштуу Жусуп Абдрахманов атындагы Мамлекеттик башкаруу академиясынын ортосунда түзүлгөн консорциумга жана 2022-жылдын 27-октябрында Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу агенттигинин ортосунда түзүлгөн меморандумдун негизинде уюштурулду.
ОшМУнун профессордук-окутуучулук курамы мамлекеттик кызматкерлерди жана жергиликтүү өз алдынча башкаруу органдарынын кызматкерлеринин квалификациясын жогорулатуу иш-аракеттеринде мындан ары да көмөктөшөт.