Кытайдын ЖОЖдорунда билим алуу үчүн 25 квота бөлүнөт

Башкы Жаңылыктар

Кытайдын ЖОЖдорунда билим алуу үчүн 25 квота бөлүнөт

Image

2023-08-23 / 3650 / 10:08:25

Билим берүү жана илим министринин орун басары Бекжан Супаналиев 16-19-август күндөрү Кыргыз Республикасынын Министрлер Кабинетинин Төрагасы Акылбек Жапаров баштаган Кыргыз Республикасынын делегациясынын курамында Кытай Эл Республикасынын Синьцзян-Уйгур Автономиялуу районуна барып келди.

Иш сапардын жүрүшүндө министрдин орун басары Бекжан Супаналиев КР Министрлер Кабинети менен СУАР Өкмөтүнүн ортосундагы Кыргызстандын жарандарына автономиялуу райондогуЖОЖдордо билим алуу үчүн 25 стипендиялык орун берүү жөнүндө макулдашууга, Кыргыз Республикасынын Билим берүү жана илим министрлиги менен Goldwind Science and Technology Co., Ltd компаниясынын ортосундагы өз ара түшүнүшүү жөнүндө меморандумга кол коюуга катышты. Ошондой эле Ош мамлекеттик университети менен Шихецы университетинин ортосунда кызматташуу келишимине кол коюлду.

Кошумчалай кетсек, шамал генераторлорун орнотуу жана тейлөө боюнча кадрларды даярдоо жаатындагы алдыңкы компания Xinjiang Goldwind Science and Technology Co., Ltd менен түзүлгөн меморандумдун алкагында Кыргызстанда шамал генераторлорун орнотуу жана өлкөнүн эки техникалык жогорку окуу жайында шамал энергетикасы жаатындагы кадрларды даярдоо ишке ашырылары күтүлүүдө. 

 

2024-11-27 / 195
ОшМУда 1-курстар аралык студенттик спартакиада жыйынтыкталды
2024-11-26 / 816
ОшМУда мугалимдер жана илим күнү белгиленди
2024-11-26 / 413
ОшМУ менен “БПН Бизнес-Академиясы” кызматташуу келишимине кол койду
2024-11-26 / 483
ОшМУнун окутуучусу эл аралык сынакка катышат