ОшМУнун доценти эл аралык конференцияда экологиялык көйгөйлөр боюнча баяндама жасады

Башкы Жаңылыктар

ОшМУнун доценти эл аралык конференцияда экологиялык көйгөйлөр боюнча баяндама жасады

Image

2024-11-25 / 235 / 01:11:09

ОшМУнун Тоо экосистемаларын коргоо жана жашыл инновациялар боюнча консалтинг борборунун директору Абдыжапар Аккулов "Борбор Азиянын контекстинде гуманитардык илимдерди изилдөө жана окутуу: Экологиялык аспектилер" аттуу IV эл аралык конференцияга онлайн катышып, баяндама жасады. Иш чара 23-ноябрда өтүп, аны “Ага Хан” фондунун "Адам таануу" долбоору уюштурган. 

Аккулов анда климаттын өзгөрүү шартында тоолордун дүйнөлүк маанисине жана Кыргызстандын экологиялык көйгөйлөрүнө токтолду. Ал тоо экосистемалары азыркы учурда социалдык-экономикалык кырдаалдардын курчушу шартында өзгөчө мамиле жана камкордукту талап кыларын айтты. Мамлекеттик институттардын, жарандык коомдун, эл аралык уюмдардын аракеттерин интеграциялоо аркылуу мамлекеттик экологиялык саясатты кайрадан карап чыгуу зарылдыгы белгиледи.

Ошондой эле "Курбу-Таш токой" долбоорун мисал келтирди. Анын алкагында жергиликтүү жамааттардын, ОшМУнун күчү, USAID уюму жана “Ага Хан” фондунун колдоосунда агро- мелиорациялык иш-чаралар аркылуу биорекультивация жүргүзүлүп, 90 гектардан ашык жердеги көчкү тосмого алынган. 30 гектардан ашык аймакка токой отургузулган. Аккулов бул аракеттер өз жемишин берип жатканын да баса белгиледи.

 

Фото галерея

 

2024-11-25 / 210
Ош: ЖОЖдордун окутуучулары академиялык басма чеберчилиги боюнча окутуудан өттү
2024-11-25 / 209
Ош: окуучуларга “дары” наркоманиясы боюнча түшүндүрүү иштери жүргүзүлдү
2024-11-25 / 271
Бокс боюнча республикалык мелдеште ОшМУнун магистранты чемпион болду
2024-11-25 / 243
Студенттер арасында косплей фестивалы өттү