ОшМУ жашыл зонага кирип калган имараттарын бузат

Башкы Жаңылыктар

ОшМУ жашыл зонага кирип калган имараттарын бузат

Image

2025-10-23 / 1816 / 01:10:24

Жекелик каналына чектеш жайгашкан ОшМУнун бетон панел кампасы жана анын айланасындагы көмөкчү курулмалар (навестер) бузулуп, аймакты бошотуу иштери жүрөт. 

Себеби, кампа менен унаа токтоочу жай Ош шаарынын жашыл зонасынын аймагына кирип калган. Бул тууралуу 22-октябрда өткөн Көзөмөлчүлүк кеңешинин кезектеги жыйынында айтылып, чечим кабыл алынды. Ошондой эле кампада турган эски курулуш материалдарын жана отундарды сатууга коюп, каржатты университеттин эсебине түшүрүү сунушу каралды. 

Мындан сырткары ОшМУнун онкологиялык ооруларды эрте аныктоо боюнча инновациялык изилдөө борборун түзүү, Табият таануу, туризм жана дене тарбия институтунун имаратынын фасадын оңдоо, көрктөндүрүү, жашылдандыруу иштерин аткаруу үчүн ОшМУнун курулуш планына өзгөртүү киргизип кошумча каржаттарды бөлүп берүү айтылды. 

Окуу жайдагы бардык штаттык бирдиктер жана студенттик жатаканалардын жашоочуларынын 2025-2026-окуу жылына карата төлөө тарифтери сыяктуу маселелерге да тиешелүү чечимдер чыкты.

Жыйынга Көзөмөлчүлүк кеңешинин төрагасы Балтагул Нурунбетов, кеңештин мүчөлөрү, тиешелүү адистер катышты.

Фото галерея

 

2025-12-17 / 302
Ректор Кудайберди Кожобеков «Уңгужол» улуттук идеясы боюнча форумга катышты
2025-12-17 / 230
Белгилүү балдар хирургу Рахманбек Тойчуевдин 80 жылдыгына арналган конференция өтүп жатат
2025-12-17 / 166
ОшМУ менен Москва мамлекеттик юридикалык университети кызматташтыкты кеңейтет
2025-12-17 / 226
ОшМУда ыктыярчылар клубу ишин баштады