Айыл чарба министри ОшМУда жаш агроишкерлер менен жолугушту

Башкы Жаңылыктар

Айыл чарба министри ОшМУда жаш агроишкерлер менен жолугушту

Image

2023-02-24 / 5698 / 11:02:30

ОшМУнун Бизнес паркында Кыргыз Республикасынын Айыл чарба министри Аскарбек Джаныбековдун Ош облусундагы жаш агроишкерлер  менен менен жолугушуусу өттү. Аталган жолугушууга ОшМУнун илимий иштер боюнча проректору Руслан Арапбаев, Enactus Kyrgyzstan коомдук уюмунун аткаруучу директору Гульбарчин Суюнова,  Ош облусундагы жаш агроишкерлер, окутуучулар,  студенттер катышты.  

  “Жаш Табышкер” долбоорунун алкагында уюштурулган жолугушууда министр  өсүмдүктөрдү өстүрүү, мал чарбачылык, токой чарба, тамак-аш өндүрүү,  айыл чарбага керектелүүчү IT техногиялар багыттарында иш алып барган жаш ишкерлердин сунуш-пикирлерин угуп, суроолоруна жооп берди.

 “Бул демилге жаштардын айыл чарба тармагын өнүктүрүүгө болгон кызыгуусун арттырат. ОшМУнун Бизнес паркында жана Инновациялык Агро Борборунда иштелип чыккан стартаптардын 30 % жакынын агростартаптар түзөт. Жолугушууда студенттердин, магистранттардын, аспиранттардын жана жаш окутуучулардын агростартаптарын каржылоо жана биргелешкен долбоорлорду ишке ашыруу, ОшМУнун окумуштуулары менен фермерлердин кызматташуу маселелери да каралды”,- деди ОшМУнун Бизнес паркынын жана Инновациялык Агро Борборунун директору Эрлан Камалов.

 Учурда ОшМУда агрардык технологияларга, айыл чарбасын өнүктүрүүгө жакшы көңүл бурулуп келет, заманбап ветеринардык клиника да курулуп жатат. Окуу жайда иштелип чыккан агростартаптарды окуу жайдын Ботаникалык багында ишке ашыруу пландаштырылган.

 

2024-11-27 / 378
ОшМУда 1-курстар аралык студенттик спартакиада жыйынтыкталды
2024-11-26 / 979
ОшМУда мугалимдер жана илим күнү белгиленди
2024-11-26 / 532
ОшМУ менен “БПН Бизнес-Академиясы” кызматташуу келишимине кол койду
2024-11-26 / 614
ОшМУнун окутуучусу эл аралык сынакка катышат