ОшМУнун окутуучулары медицинадагы симуляциялык окутуунун учурдагы маселелери боюнча баяндама жасашты

Башкы Жаңылыктар

ОшМУнун окутуучулары медицинадагы симуляциялык окутуунун учурдагы маселелери боюнча баяндама жасашты

2025-11-17 / 1320 / 10:11:27

Анжиян мамлекеттик медициналык институтунда медицинадагы симуляциялык окутуунун учурдагы маселелерин талкуулоо, тажрыйба алмашуу жана жаңы билим берүү ыкмаларын өнүктүрүүгө багытталган конференция өттү.

«Медицинада симуляцияга негизделген окутуу: көйгөйлөр, чечүү жолдору жана келечеги» деп аталган иш-чарада ОшМУнун Эл аралык медициналык факультетинин клиникалык дисциплиналар-2 кафедрасынын окутуучулары баяндама жасашты. Махабат Бугубаева, Жазгул Абжамилова "Виртуалдык бейтаптар биринчи операцияны алмаштыра алабы”, Гулназ Осмонова «Симуляциялык борбор: перспективалары жана эл аралык олимпиада өткөрүүдөгү тажрыйба» темаларына токтолду.

Ал эми Ойбек Азимов «Виртуалдык пациент - Эл аралык медициналык факультетинин студенттеринин жыйынтыктоочу аттестациясында колдонуу тажрыйбасы», Бегимай Муктарали кызы мене Алтынай Нуралиева «Виртуалдык симулятор K Plus: чет өлкөлүк студенттердин даярдыгындагы жаңы мүмкүнчүлүктөр» темасында баяндама жасашты. Иш-чара соңунда катышуучулар эл аралык сертификаттарга ээ болушту.

Эл аралык илимий-практикалык конференция 14-ноябрда болуп өттү.