Башкы
Жаңылыктар
ОшМУда денеге багытталган терапия боюнча мастер-класс өттү
22-октябрда Экономика, бизнес жана менеджмент институтунун социалдык иштер кафедрасынын алдындагы социалдык клиникада социалдык кызматкерлердин жана кесиптик кошуундун күнүнө карата мастер-класс өткөрүлдү.
Интерактивдүү мастер-класс “Дене аркылуу туруктуулукка: конфликт жана стресс менен иштөөдө денеге багытталган терапия” темасында болду. Анда социалдык кызматкерлердин кесиптик ден соолугун сактоо жана психологиялык чыңалууларды жеңүү жолдору талкууланды.
Мастер-классты социалдык иш кафедрасынын ага окутуучусу, тренер Кундузхан Каримова жана денеге багытталган терапия боюнча практик, кризистик маселелер боюнча адис Делия Михеева алып барышты. Алар катышуучуларга дене аркылуу психологиялык туруктуулукту бекемдөө, стресс жана эмоционалдык чарчоо менен иштөө ыкмаларын практикалык негизде үйрөтүштү.
Уюштуруучулардын айтымында, социалдык кызматкерлердин ишмердиги жогорку моралдык жана эмоционалдык жоопкерчиликти талап кылган кесиптердин бири. Ар күн сайын адам тагдыры менен иш алып барган адистер тынымсыз стресс, социалдык көйгөйлөр, жана моралдык-психологиялык басымдарга кабылышат. Бул жагдайлар алардын психикалык жана физикалык ден соолугуна терс таасир тийгизиши мүмкүн.
Иш-чара келечектеги социалдык кызматкерлерди кесиптик “күйүп кетүүдөн” алдын алуу, эмоционалдык чыңалуу менен күрөшүүдө дене терапиясынын ыкмаларын үйрөтүү жана өз алдынча жардам берүү көндүмдөрүн калыптандыруу максатында уюштурулду.
Мастер-класс учурунда катышуучулар дене терапиясы аркылуу эмпатияны өнүктүрүү, өз эмоцияларын түшүнүү жана чыгаруу, ошондой эле конфликттүү кырдаалдарда туруктуулукту сактоо боюнча көнүгүүлөрдү аткарышты.
Фото галерея
Кыргызстан, 723500, Ош шаары, Алымбек датка көчөсү, 331, ОшМУ Башкы корпус Жалпы бөлүм: +996 3222 7-07-12, факс +996 3222 7-09-15, edu@oshsu.kg
Кабыл алуу комиссиясы: +996 3222 7-08-18, priem@oshsu.kgКолледждер
- Эл аралык билим берүү программалар колледжи
- Медициналык колледжи
- Финансылык-юридикалык коллледжи
- Өзгөн эл аралык медициналык колледжи
- STEM инновациялык колледжи
- Индустриалдык-педагогикалык колледжи
- Айыл чарба колледжи
- Курулуш колледжи
Институттар
- "Арашан" гуманитардык институту
- Чыгыш таануу институту
- Математика, физика, техника жана информациялык технологиялар институту
- Экономика, бизнес жана менеджмент институту
- Филология жана маданият аралык коммуникация институту
- Тарых жана юридика институту
- Педагогика, искусство жана журналистика институту
- Табият таануу, дене тарбия, туризм жана агрардык технологиялар институту
Лицейлер жана гимназиялар
Департаменттер
- Административдик-чарбалык иштер департаменти
- ОшМУнун Бизнес паркы
- Эл аралык байланыштар департаменти
Борборлор
- Р.Абдыкадыров атындагы маданий-эстетикалык борбору
- Р.Абдыкадыров атындагы фонду
- Маалымат жана коомчулук менен байланыш борбору
- Практика жана карьера борбору
- ОшМУнун квалификацияны жогорулатуу борбору
- «Next Generation Hub» борбору
- «Congress Resort OshSu» борбору
- Табигый ресурстар борбору
Маалымат© ОшМУ | Development © 2020 OshSU - IT Academy