Курстанбек Уланбек уулуна эмгек сиңирген машыктыруучу наамы ыйгарылды

Башкы Жаңылыктар

Курстанбек Уланбек уулуна эмгек сиңирген машыктыруучу наамы ыйгарылды

Image

2026-10-12 / 299 / 03:10:08

ОшМУнун №1 дене тарбия кафедрасынын улук окутуучусу, волейбол боюнча машыктыруучу Курстанбек Уланбек уулуна Кыргыз Республикасынын эмгек сиңирген машыктыруучусу ардактуу наамы ыйгарылды.

Бул сыйлык анын волейбол спортун өнүктүрүүгө кошкон салымы, көп жылдык үзүрлүү эмгеги үчүн берилди. Наам 9–11-октябрда Ош шаарында өткөн Кыргызстандын волейбол боюнча улуттук лигасынын эркектер жана кыз-келиндер командалары арасындагы мелдештин алкагында тапшырылды. Аталган мелдеште Курстанбек Уланбек уулу машыктырган команда биринчи орунду ээледи.

Курстанбек Уланбек уулу буга чейин ОшМУнун кыз-келиндер волейбол командасын жетектеп, Кыргызстандын улуттук курама командасын да машыктырган. Анын жетекчилиги астында командалар өлкөнүн тогуз жолку, Борбордук Азиянын үч жолку чемпиону болушкан. Машыктыруучунун кол алдында даярдыктан өткөн бир катар спортчулар спорт чебери наамына ээ болушкан.

 

Фото галерея

 

2026-10-12 / 261
Студенттер Жалал-Абаддын туристтик потенциалы менен таанышты 
2026-10-12 / 336
Биринчи курстун студенттерине коопсуздук, университеттин ички тартиби түшүндүрүлүүдө
2026-10-12 / 417
ОшМУ италиялык университет менен илимий кызматташтыкты өнүктүрөт
2026-10-12 / 381
УНИВЕРСИТЕТ 4.0гө КАРАЙ ЖОЛ: ОшМУнун ТАЖРЫЙБАСЫ