ОшМУда мамлекеттик экзаменди электрондук тест системасы аркылуу тапшыруу башталды

Anasayfa Haberler

ОшМУда мамлекеттик экзаменди электрондук тест системасы аркылуу тапшыруу башталды

Image

2021-03-13 / 11098 / 12:03:12

Окуу жайдын программисттери мамлекеттик экзамендерди (кыргыз тили жана адабияты, кыргызстан тарыхы, кыргызстан географиясы) онлайн форматта тапшыруу үчүн атайын тест системасын иштеп чыгышкан.

Бүгүн бул программа аркылуу 3-курстун студенттери мамлекеттик экзамен тапшырып жатышат.

"Өткөн жылы пандемия шартында 2-курстун студенттери үчүн уюштурулуучу мамлекеттик экзамен үзгүлтүккө учураган. Ошондуктан учурда тапшырып жатышат.  Окуу жайдын программисттери тест система иштеп чыгып, бүгүн алгачкы жолу колдонууга бердик.

Студенттер кай жерде болбосун смартфон жана маңдайкы камерасы бар компьютер аркылуу тапшырууга мүмкүндүк алышты.  Эң башкысы, экзаменди ашыкча адамдын, окутуучулардын кийлигишүүсүз, ачык өткөрүүгө шарт түзүлдү. Студенттердин кыймыл-аракети өзү колдонуп жаткан смартфондун же ноутбуктун вебкамерасы аркылуу көзөмөлдөнөт", – деди ОшМУнун окуу-маалымат департаментинин директору Руслан Арапбаев.

Бул тест системасы убакытты үнөмдөп, мамлекеттик сынактардын ачык-айкын өтүүсүн шарттайт.

Тест кыргыз, орус, англис тилдеринде даярдалып, суроо-жоопторду бир учурда үч тилде окууга мүмкүнчүлүк түзүлгөн. Тесттик база үч предмет үчүн түзүлүп киргизилген 900 суроонун ичинен 20 суроолуу вариантты автоматтык түрдө система өзү сунуштайт.

fotoğraf Galerisi

 

2024-11-23 / 350
OşDÜ Takımları Kırgızistan’daki BT Festivalinde Zafer Kazandı
2024-11-22 / 478
Oş Devlet Üniversitesi Öğretim Üyeleri Türkiye’de Uluslararası Sempozyuma Katıldı
2024-11-22 / 581
Dijital Çağda Psikoloji Konusu Oş Devlet Üniversitesi’nde Tartışıldı
2024-11-21 / 674
OşDÜ Profesörü Hayvan Genetik Kaynaklarının Korunmasını Araştırıyor