Нурзат Ысмаилованын спорттогу 25 жылдык мааракеси белгиленди

Anasayfa Haberler

Нурзат Ысмаилованын спорттогу 25 жылдык мааракеси белгиленди

Image

2026-01-15 / 272 / 05:01:17

Ош мамлекеттик университетинин   “Университет” кыз келиндер клубунун башкы машыктыруучусу, ага окутуучу Нурзат Ысмаилованын спорт жана билим берүү тармагындагы ишмердүүлүгүнө 25 жыл толгонуна карата мааракелик  иш-чара өттү. 

Анын алкагында Ош облусундагы райондор аралык кыз-келиндер арасында волейбол боюнча мелдеш уюштурулуп, ага тогуз команда катышты. Жыйынтыгында Кара-Суу командасы жеңүүчү аталды.

Иш-чарага университеттин ректору Кудайберди Кожобеков, жамаат мүчөлөрү, студенттер жана спорт тармагынын өкүлдөрү катышты. Ректор өз сөзүндө Ысмаилованын спорттогу ийгиликтери анын эмгекчилдигин, жогорку деңгээлдеги кесипкөй адис экенин айгинелерин белгиледи. Ошондой эле ага “ОшМУга эмгек сиңирген ишмери” төш белгиси жана белектер тапшырылды.

Нурзат Ысмаилова волейбол боюнча “Спорт чебери”, “Дене тарбиянын жана спорттун отличниги” ардак белгилеринин ээси. Ал машыктырган “Университет” кыз-келиндер клубу өлкөнүн үч жолку чемпиону, Кыргыз волейбол федерациясынын президентинин кубогунун төрт жолку ээси болгон.

fotoğraf Galerisi

 

2026-01-14 / 320
Canlı Yayın: Üniversitemizde Uzaktan Eğitim Hakkında
2026-01-14 / 273
12 Yıllık Okul Eğitimine Geçiş Toplantısı Düzenlendi
2026-01-13 / 282
Güvenlik ve destek. Üniversitemiz Kadın Konseyi'nin çalışmaları.
2026-01-13 / 396
Üniversite Personel Rezervi 1. Aşaması