“Мыкты баяндамачы-2022” республикалык сынагы жарыяланды

Башкы Жаңылыктар

“Мыкты баяндамачы-2022” республикалык сынагы жарыяланды

Image

2022-12-12 / 6013 / 09:12:23

Билим берүү жана илим министрлиги Билим берүүнүн бардык баскычтарынын кыргыз тили жана адабияты мугалимдеринин арасында “Мыкты баяндамачы- 2022” республикалык сынагын жарыялайт.

Сынак “Кыргыз Республикасынын мамлекеттик тили жөнүндө" мыйзамынын кабыл алынгандыгынын 3З жылдыгына карата өткөрүлүүдө.

Сынактын максаты- кыргыз тили жана адабияты мугалимдеринин жазуу жана сүйлөө чеберчилигин арттыруу, мыкты баяндамачылардын базасын түзүү болуп саналат.

Сынакка республиканын бардык аймактарынын кыргыз тили жана адабияты мугалимдери жана бардык улуттун өкүлдөрү катыша алат.

Сынак 3 этап менен өтөт:

I этапта – катышуу үчүн облус/шаардан табыштамалар кабыл алынат (12-декабрга чейин);

II этапта – ар бир катышуучу кыргыз тилин окутуунун азыркы абалы, анын жаралыш шарты жана көйгөйлөрдү чечүүнүн жолдорун чагылдырган 3 барактан ашпаган текстти уюштуруу комитетине жөнөтүшү керек (15-декабрга чейин);

III этапта – финалга чыккан сынактын катышуучулары онлайн жана оффлайн форматында оозеки баяндама жасайт (20-декабрда).

Сынакка катышуунун жол-жоболору боюнча Кыргыз Республикасынын Билим берүү жана илим министрлигинин Мамлекеттик тилди өнүктүрүү секторунун bilimmamtil@gmail.ru электрондук дарегине кайрылса болот.

Байланыш телефондору: 0(559)280974, 0(990)904404 (вотсап), (0312)663898

 

2024-07-06 / 71
ЖОЖдорго КАБЫЛ АЛУУДАГЫ БОСОГО БАЛЛ БЕКИТИЛДИ
2024-07-06 / 69
ЖОГОРКУ ОКУУ ЖАЙЛАРГА КАБЫЛ АЛУУ 15-ИЮЛДА БАШТАЛАТ
2024-07-05 / 219
ОшМУда өз алдынча кесип өздөштүргөндөргө тастыкмалар берилди
2024-07-05 / 285
Бишкекте ОшМУнун профессору Мамыралы Эшбаевдин сүрөт көргөзмөсү өттү