ОшМУда универсалдуу 4-1 лапароскоп медициналык жабдыгы менен алгачкы операция жасалды

Башкы Жаңылыктар

ОшМУда универсалдуу 4-1 лапароскоп медициналык жабдыгы менен алгачкы операция жасалды

2023-04-12 / 4057 / 10:04:22

ОшМУнун медициналык клиникасында биринчи жолу бейтапка лапароскопиялык холецистэктомия дартына операция жасалды. Бул операцияга лапароскопиялык жабдыктарды жасаган дүйнөлүк алдыңкы компаниялардын бири KARL STORZ (Германия) компаниясынын 2022-жылы чыгарылган универсалдуу 4-1 лапароскоп медициналык аппараты колдонулду.

“Бул жабдыктын камерасы так, даана көрсөтөт. ОшМУнун медициналык клиникасына алынып келинген универсалдуу 4-1 лапароскоп медициналык жабдыгынын жардамында абдоминалдык хирургия, гинекология, лор, боор жана урология багыттарында да операция жасоого мүмкүнчүлүк жаралды. Бүгүн видеолапароскопиянын жардамында холецистэктомия дартына операция жасадык”, -деди врач-хирург, онколог Жанек Белеков.

Буга чейин ОшМУнун медициналык клиникасында ушул жылдын 26-январында алгачкы жолу ашказандын оор дартына операция жасалган.