Көзөмөлчүлүк кеңешинин жыйынында каралган маселелер кандай чечилди?

Башкы Жаңылыктар

Көзөмөлчүлүк кеңешинин жыйынында каралган маселелер кандай чечилди?

Image

2024-02-21 / 1893 / 10:02:01

ОшМУнун Көзөмөлчүлүк кеңешинин кезектеги  жыйынына  ректор Кудайберди Кожобеков, Көзөмөлчүлүк кеңешинин төрагасы Балтагул Нурунбетов,  инвестиция жана экономикалык өнүгүү боюнча проректор Кубаныч Токторов, пландоо-финансылык бөлүмдүн башчысы Динара Курбанбаева жана башка чакырылган тиешелүү адистер катышты.

Алгач, Көзөмөлчүлүк кеңешинин 2023-жылдагы жүргүзгөн ишмердүүлүгү боюнча отчеттук маалымат угулду. Андан соң ОшМУнун билим берүүдөгү акы төлөнүүчү кызмат көрсөтүүлөрү, коммерциялык ишмердүүлүктү жүргүзүү жана сыйлык акы төлөө жөнүндө Жобосуна өзгөртүүлөр киргизилди.

Ошондой эле, “ОшМУ-Алдиер” футбол клубунун 2023-2024-окуу жылына карата түзгөн сметасы, бүтүрүүчүлөрдүн дипломдорун даярдоодо дипломго жооптууларга 2023-жыл үчүн сыйлык  акы төлөө, окуу-өндүрүштүк ветеринардык клиниканын Жобосу жана көрсөткөн кызматтарынын баасы, БжМ факультетинин мамлекеттик жана муниципалдык башкаруу кафедрасынын Консультативдик-окуу борборунун Жобосу, окутуу-кеңеш берүү кызматынын тарифтеринин прейскуранты,  РСК банкка ОшМУнун эсебинен депозитке акча салуу жана  ОшМУнун спорт клубунун 2023-2024-окуу жылына бекитилген сметасына университеттин 85 жылдык маарекесин өткөрүүгө байланыштуу толуктоолорду киргизүү маселелери каралып, тиешелүү чечимдер кабыл алынды.

Фото галерея

 

2024-04-29 / 1003
ОшМУда Борбордук Азиядагы климаттын өзгөрүшү талкууланууда
2024-04-29 / 1015
ОшМУнун студенти эл аралык сынакка катышат
2024-04-27 / 1709
«Ednet» агенттиги тарабынан аккредитациялоо жараяны  өттү
2024-04-26 / 2240
ОшМУга 85 жыл: "Алтын үн" сынагы жыйынтыкталды