Борбор Азиядагы университеттердин ректорлорунун форумунда ОшМУ бир катар келишимдерге кол койду

Башкы Жаңылыктар

Борбор Азиядагы университеттердин ректорлорунун форумунда ОшМУ бир катар келишимдерге кол койду

2024-11-20 / 464 / 03:11:16

Бүгүн, 20-ноябрда Бишкектеги "Ала-Арча" мамлекеттик резиденциясында “Борбор Азия университеттеринин трансформациясы глобалдык чакырыктардын контекстинде” деген темада форум өтүп жатат. Ага Борбор Азиядагы жогорку окуу жайлардын ректорлору, анын арасында ОшМУнун жетекчиси Кудайберди Кожобеков катышууда.

ОшМУ бул форумга гуманитардык жана медициналык багыттагы билим берүү жана илим изилдөө багыттарын трансформациялоо, өндүрүш менен илимди айкалыштыруу аркылуу региондордун туруктуу өнүгүүсүн камсыздоо, Казакстан, Өзбекстан жана Тажикстандын окуу жайлары менен өнөктөштүк мамилелерди, кызматташтыкты кеңейтүү боюнча сунуштары менен катышууда.

Форумдун алкагында окуу жай академиялык мобилдүүлүк, илимий изилдөөлөрдү өнүктүрүү жана эл аралык кызматташтыкты бекемдөөнү көздөгөн бир катар эки тараптуу эл аралык келишимдерге жана меморандумдарга кол койду. Алар:

Караганда университети (Казакстан);
Чыгыш-Казакстан университети (Казакстан);
Эл аралык инженердик-технологиялык университети (Казакстан);
Кокшетау университети (Казакстан);
Казак улуттук кыз-келиндер педагогикалык университети;
Аркалык мамлекеттик педагогикалык институту (Казакстан); Андижан мамлекеттик чет тилдер институту (Өзбекстан);
Тажик мамлекеттик укук, бизнес жана саясат университети.

Бул келишимдер университеттер аралык илимий жана академиялык кызматташтыкты чыңдап, ОшМУнун студенттерине жана окутуучуларына жаңы мүмкүнчүлүктөрдү ачат. Кудайберди Кожобеков белгилегендей, мындай иш-чаралар университетти эл аралык деңгээлде өнүктүрүүнүн маанилүү кадамы болуп эсептелет.