ОшМУда жүрөк күнүнө карата акысыз кароодон өткөрүү жүрүп жатат

Башкы Жаңылыктар

ОшМУда жүрөк күнүнө карата акысыз кароодон өткөрүү жүрүп жатат

2025-10-13 / 1747 / 03:10:09

Жыл сайын 29-сентябрда дүйнө жүзү боюнча Бүткүл дүйнөлүк жүрөк күнү белгиленип келет.

Жүрөк күнүнө карата ОшМУнун башкы имаратында бүгүн, 13-октябрда акысыз медициналык кароодон өткөрүү иш-чарасы өтүп жатат. Анда окуу жайда эмгектенген окутуучулар, кызматкерлер, студенттер кан басымын текшертүүдө. Текшерүүнүн жыйынтыгына ылайык кеңештер берилип, көрсөтмөлөр айтылып жатат. Аталган иш-чара ОшМУнун медициналык клиникасынын дарыгерлери, дипломдон кийинки үзгүлтүксүз медициналык билим берүү борборунун окутуучулары, ординторлору тарабынан уюштурулган. Аталган иш-чара 3 күн уланып, окуу жайдын башка имараттарында өткөрүлөрүн ОшМУнун медициналык клиникасынын кардиолог, рентгенэндоваскулярдык хирургу Абдуллабек Юсупов маалымдады.

Жүрөк күнү 1999-жылдан бери Бүткүл дүйнөлүк жүрөк федерациясынын жана Дүйнөлүк саламаттыкты сактоо уюмунун демилгеси менен өткөрүлүп келет