ОшМУнун кызматкерлери «Ден соолук» спартакиадасына катышууда

Башкы Жаңылыктар

ОшМУнун кызматкерлери «Ден соолук» спартакиадасына катышууда

2026-06-25 / 222 / 12:06:47

Ош мамлекеттик университетинин 80ден ашуун кызматкери өлкөдөгү жогорку окуу жайлардын профессордук-окутуучулар кызматкерлери арасында өтүп жаткан «Ден соолук» спартакиадасына катышууда.

Мелдеш Ысык-Көлдөгү «Кыргыз деңизи» санаториясынын спорттук базасында өтүп жатат. Мында катышуучулар волейбол, футбол, ордо, тогуз коргоол, стол тенниси жана стритбол боюнча күч сынашат.

Спартакиада 24-июнда башталып 30-июнда жыйынтыкталат. Салтка айланган бул иш-чараны жыл сайын “Жаштык” дирекциясы уюштуруп келет. Максаты – Кыргызстандын билим берүү тармагында иштеген кызматкерлердин арасында дене тарбия жана спортту өнүктүрүү, аларды сергек жашоого үндөө.