Көп тилдүүлүк программасы боюнча ток-шоу уюштурулду

Башкы Жаңылыктар

Көп тилдүүлүк программасы боюнча ток-шоу уюштурулду

2022-02-14 / 6743 / 02:02:40

ОшМУнун мамлекеттик тил жана социалдык иштер боюнча проректору Мастура Шарипованын демилгеси менен 14-февралда "ЭлТР" мамлекеттик телерадиоберүү компаниясында "Көп тилдүүлүк, көп маданияттуулук - өнүгүүнүн жана достуктун символу" деген аталышта ток-шоу өткөрүлдү.

Иш-чарага пилоттук факультеттердин адис окутуучулары, Ош шаарындагы №39 мектептин мугалимдери, окуучулар жана студенттер, эл аралык медицина, Кыргыз-кытай, дүйнөлүк тилдер жана маданият факультеттерине келип билим берип жаткан волонтер окутуучулар катышты.

Иш-чара ОшМУда пилоттук факультеттерде көп тилдүүлүк программасын ишке ашыруу, өндүрүш тармагында системалуу иш алып барууну жолго коюу максатында уюштурулду. Аталган иш-чара жакынкы аралыкта ОшМУда онлайн конференция менен уланат.