Йога күнүнө арналган иш-чарага ОшМУнун окутуучулары жана студенттери активдүү катышты

Башкы Жаңылыктар

Йога күнүнө арналган иш-чарага ОшМУнун окутуучулары жана студенттери активдүү катышты

2022-06-22 / 4965 / 11:06:36

21-июнда Ош шаарындагы А.Сүйүмбаев атындагы стадиондо сегизинчи эл аралык йога күнүнө арналган иш-чара өттү. Ачылыш аземге Ош шаарынын вице-мэри Венера Рыскулова, Индиянын Кыргыз Республикасындагы убактылуу ишенимдүү өкүлү Раджеш Кумар, ОшМУнун эл аралык байланыштар боюнча департаментинин директору Абдыганы Абдувалиев, окутуучулар, студенттер, активдүү жарандар, жаштар катышты.

Иш-чаранын алкагында “Yoga Mama” йога борборунун өкүлдөрү катышуучуларга йога көнүгүүлөрүн жасатышты. Шаардык маданият бөлүмүнүн бий топторунун жана ОшМУда билим алып жаткан Индиялык студенттердин концерттик программасы тартууланды.

Жалпысынан иш-чарага 1000ден ашуун шаар тургундары жана студенттер катышты.

Маалыматтын фотолору Ош шаардык мэриясынын баракчасынан алынды.