Юридика факультети гуманитардык ракурстагы кесиптик-жогорку билимдүү адистерди даярдоо мүмкүнчүлүгүнө ээ.

Юридика факультетинин тарыхы 1992-жылы Ош мамлекеттик педагогикалык институту университет статусун алгандыгына теңдеш келип, керектүү адистиктер менен толукталуу зарылчылыгына байланыштуу ачылган. Алгач, тарых факультетинин курамында укук таануу бөлүмү болуп, ал эми 1996-жылы өз алдынча  юридика факультети болуп түзүлгөн. Факультетти тарых илимдеринин кандидаты, доцент Ж. А. Адилбаев жетектеген. 1998-жылдан баштап аталган факультетти юридика илимдеринин кандидаты Э. С. Токторов жетектеп келген.

2007-жылы Ош мамлекеттик университетинин Окумуштуулар кеңешинин чечиминин  жана  2007-жылдын  29-августундагы №238 буйругуна  ылайык  Ош  мамлекеттик университетинин структурасын оптималдаштыруу  максатында  бажы-юридика факультети түзүлүп, 2007-жылдын сентябрь айында  Ош мамлекеттик университетинин ректорунун №241/1 буйругyнун негизинде бажы-юридика факультетинде бажы иши кафедрасы ачылган. 2008-2009-окуу жылынан тартып, аталган окуу жай тарых факультетине кошулуп тарых-юридика факультети болуп түзүлгөн.

2010-2011-окуу жылынан тартып ОшМУнун Окумуштуулар кеңешинин чечими менен аталган факультетке “Социалдык иштер боюнча адис” квалификациясын ыйгаруучу социалдык иштер адистиги кошулган.

2013-жылдын 20-сентябрындагы ОшМУнун Окумуштуулар кеңешинин чечими менен кафедралар жаңыдан түзүлүп, мамлекеттин жана  укуктун теориясы, тарыхы, кылмыш жаза укугу жана процесси, жарандык укук жана процесси, соттук процесс, экспертиза жана бажы иши  деп аталып, адистик боюнча 4 бүтүрүүчү кафедра иш алып барат.

2014-жылдын  5-сентябрындагы ректордун №405 буйругунун негизинде өз алдынча юридика факультети түзүлдү.

Азыркы мезгилде факультетти юридика илимдеринин доктору, профессор Кулдышева

Гулсара Кенжеевна жетектейт.

Юридика факультети төмөндөгүдөй структураларга ээ:

Мамлекеттин жана укуктун теориясы, тарыхы кафедрасынын башчысы – ю.и.к., доцент М.Б. Татенов;

Кылмыш жаза укугу жана процесси кафедрасынын башчысы – ю.и.к., доцент К.К.Карабаева;

Жарандык укук жана процесси кафедрасынын башчысы– ю.и.к., доцент Парайдин уулу Ш.;

Соттук процесс, экспертиза жана бажы иши кафедрасынын башчысы – ю.и.д., профессор Э.С.Токторов.

Факультеттин максаты – келечекте жогорку квалификациялуу юридикалык кадрлар менен камсыз кылуу, укуктук билим берүү рыногунда атаандаштыкка жетишүү;

Факультеттин милдети – студенттик жарандык позицияны түзүү, заманбап шарттарда иштөө жана жашоо жөндөмүн түзүү. Коомдун моралдык, укутук, маданий жана илимий баалуулуктарын сактоо жана көбөйтүү;

Факультеттин жетекчилиги: