Медицина факультетинин студенттеринин окуу процессине керектүү имараттар шаардын ар кайсы аймактарында жайгашкандыктан кыйынчылык жаратып келген.Бул болсо, өз кезегинде Кыргызстандагы медициналык билим берүүнү реформалоо медициналык факультеттин клиникалык базасынын болушун шарттады. Буга байланыштуу мурунку ректор Каныбек  Исаковдун демилгеси менен  Ак-Буура кампусуна медициналык клиниканы куруу иши иштери башталды. Акыры ОшМУнун медициналык клиникасы ректор Исаков Каныбек Абдиваситовичтин демилгеси менен курулуп 2014-жылдын 24-ноябрында ачылды.

Профессор Муратов Жанибек Кудайбакович медициналык клиниканын курулушуна жана ачылышына чоң салым кошкон.

 2015-жылдын декабрь айында 2020-жылдын март айына чейин Муратов Абдисамат Кудайбаковичке жеке менчикке убактылуу өткөрүлүп берилген.

Коронавирус пандемиясынын толкуну бизди айланып өткөн жок. Ушунча курмандыктарды жана бейтаптарды көрүп, ОшМУ четте тура алган жок. Шаарда бейтаптар үчүн керебеттер жетишсиз болгон, буга байланыштуу 2020-жылдын март айынан баштап клиниканы коронавирус менен ооруган  бейтаптар үчүн кызыл зонага берүү чечими кабыл алынган.

Август айынын аягында өлкөдөгү кырдаал турукташып, медициналык клиника шаарга жана элдерге чоң кызмат кылып, университетке кайтарылды.

2020-жылдын сентябрь айынан баштап клиниканын ишин калыбына келтирүү чечими кабыл алынды жана оңдоп түзөө иштери жүргүзүлдү

Медициналык клиника күн санап өнүгүүгө багытталган  концепцияларды  түзүп, акыркы үлгүдөгү жабдууларды жана технологияларды сатып алып, университеттин бардык кызматкерлеринин жана студенттеринин жыргалчылыгы үчүн кызмат кылууга  даяр.

Клиниканын милдети - далилдердин негизинде бейтаптардын жашоосун   узартуу жана жакшыртуу үчүн ооруларды дарылоонун  диагностикалык методдорун киргизүү. Ден-соолукка байланыштуу чечимдерди кабыл алууда бейтаптарга жана анын үй-бүлө мүчөлөрүнө жогорку технологиялык ар тараптуу медициналык жардам көрсөтүү.

Клиниканын максаты:

- калкка медициналык кызматтарды көрсөтүү, анын ичинде баштапкы медициналык-санитардык жардам, ошондой эле  Кыргыз Республикасынын түштүгүндөгү калкка  адистештирилген жогорку технологиялык кызматтарды сунуштоодо.

- заманбап талаптарды эске алуу менен медициналык жана фармацевтикалык кадрларды даярдоо жана квалификациясын жогорулатуу боюнча окуу процессин уюштуруу жана өткөрүү үчүн шарттарды түзүү.

- илимий-изилдөө  иш-чараларын жүргүзүү үчүн шарттарды түзүү, жаңы натыйжалуу медициналык технологияларды иштеп чыгуу жана киргизүү.

- клиниканын командасында өнөктөштөр жана башка мамлекеттик мекемелер менен тыгыз иштиктүү мамилелерди түзүү жана  колдоо.

Кызматкерлер