ОшМУда “Байыркы Өзгөн жана Имам Серахси мурасы” деген аталыштагы эл аралык конференция өтөт

Башкы Жаңылыктар

ОшМУда “Байыркы Өзгөн жана Имам Серахси мурасы” деген аталыштагы эл аралык конференция өтөт

Image

2022-07-30 / 6430 / 11:07:14

Кыргыз  эл жазуучусу, мамлекеттик жана коомдук ишмер, Эл аралык Түрк маданияты уюмунун (ТҮРКСОЙ) баш катчысы Султан Раев 30-июлда ОшМУда болду. ОшМУнун окуу иштери боюнча проректору Замирбек Божонов менен болгон жолугушууда 2022-жылдын 27-августунда өтүүчү «Өзгөн-Мунара-2022» этно-фольклордук фестивалы боюнча пикир алышты. Этно-фольклордук фестивалдын алкагында ОшМУда “Байыркы Өзгөн жана Имам Серахси мурасы” деген аталыштагы эл аралык конференция орун алары айтылып, конференцияга карата алдын-ала даярдыктар боюнча маселелер талкууланды.

Аталган иш-чарага бийлик өкүлдөрү, тарыхчылар, изилдөөчүлөр, маданият ишмерлери, дүйнөлүк уюмдардан өкүлдөр, Түркия мамлекетинин маданият министринин орун басары, Түркиянын дин иштери боюнча министри, окумуштуу, аалымдардын катышуусу күтүлүүдө.

 «Өзгөн-Мунара-2022» этно-фольклордук фестивалы жер-жерлердеги тарыхый мурастарды даңазалоо, жергиликтүү элдин руханий жана маданий өсүүсүнө салым кошуу, улуттук маданий мурастарды жайылтып, элге жеткирүү максатында быйыл экинчи ирет уюштурулуп жатат.

 

 

Фото галерея

 

2024-11-23 / 368
ОшМУнун командалары IT тармагы боюнча фестивалда жеңишке жетти
2024-11-22 / 495
ОшМУнун окутуучулары Түркиядагы эл аралык сипозиумда изилдөөлөрүн сунуштады
2024-11-22 / 598
ОшМУда санариптик дүйнөдөгү психологиянын көйгөйлөрү талкууланды
2024-11-21 / 686
ОшМУнун профессору мал чарбасынын генетикалык ресурстарын сактоону изилдөөдө