Синьцзян педагогикалык университетинин өкүлдөрү ОшМУга келди

Башкы Жаңылыктар

Синьцзян педагогикалык университетинин өкүлдөрү ОшМУга келди

Image

2024-01-31 / 2144 / 03:01:14

Синьцзян педагогикалык университетинин проректору Ван Чжиюн баштаган  делегациясы Ош мамлекеттик университетине иш сапары менен келди. Коноктор университеттин окуу иштери боюнча проректору Нурлан Омуров, тышкы байланыштар боюнча проректор Курсантбек Аттокуров баштаган кыргыз-кытай факультетинин жамааты менен жолукту.

Жолугушууда эки тараптуу кызматташууну өнүктүрүүнү талкуулашты.  Тышкы байланыштар боюнча проректор Курсантбек Аттокуров Ван Чжиюн мырзага Ош шаарындагы кытай тили мугалимдерине квалификацияны жогорулатуу курсун уюштуруп бергендиги үчүн ыраазычылык билдирди. Синьцзян педагогикалык университетинин жетекчилигин ОшМУнун апрель айында өтүүчү 85 жылдык юбилейине чакырды.

Ван Чжиюн мырза кытай тилин чет тили катары башка өлкөлөрдө мыкты деңгээлде окутуп-үйрөтүү, студенттердин мобилдүүлүгүн жана окутуучулардын стажировкаларын уюштуруу, илимий жаатта факультеттер аралык кызматташууну өнүктүрүү Синьцзян педагогикалык университети үчүн башкы орунда турарын белгиледи. ОшМУ менен бул багытта тыгыз иш алып барууга даяр экендиктерин билдирди.

Синьцзян педагогикалык университети ОшМУнун Кытайдагы негизги өнөктөштөрүнүн бири. Эки университет 2013-жылдан бери  билим берүү, илим, студент, магистрант, аспирант жана окутуучулар арасында академиялык мобилдүүлүк илимий сапарларды, стажировкаларды, кесипти жогорулатуу курстарын уюштуруу, окуу программаларын алмашуу, илимий долбоорлорду ишке ашыруу багыттарында кызматташып келет.

 

Фото галерея

 

2024-05-12 / 714
Назгул Каныбекова  "Мыкты мугалим-2024" сынагынын республикалык  туруна жолдонмо алды
2024-05-11 / 777
ОшМУда тышкы байланыштар бөлүмү жаңыланды
2024-05-11 / 738
ОшМУда ЖОЖдор аралык “Фиджитал оюндары I” киберспорт турнири өтөт
2024-05-08 / 1616
Өзбекстандын ЖОЖдору менен кызматташуу кеңейүүдө