Кызматын тапшырган кафедра башчыларына сый көрсөтүлдү

Башкы Жаңылыктар

Кызматын тапшырган кафедра башчыларына сый көрсөтүлдү

2024-09-09 / 1525 / 09:09:28

Ош мамлекеттик университетинин ички тартип эрежелерине ылайык, 65 жаштан жогорку кафедра башчылары өз каалоосу менен кызматын тапшырды.

Алардын сегизи Медицина факультетинин кафедра башчылары Түгөлбай Мамаев, Сүйүналы Шатманов, Абдижалил Муратов, Маматжан Арстанбеков, Замира Нуруева, Жамила Уметова, Жаңыбай Мамажакып уулу жана Бакыт Матазов. Мындан тышкары Бизнес жана экономика институтунан Турдумамат Бекешов да кызматын тапшырып берди.

Жетекчилердин көп жылдык үзүрлүү эмгегин жана ОшМУнун өнүгүшүнө кошкон салымын эске алып, 9-сентябрда салтанаттуу узатуу иш чарасы болду.

Жыйынга окуу жайдын тышкы байланыштар боюнча проректору Курсант Аттокуров, Кесиптик кошундун төрагасы Абсамат Саттаров катышты.

Иш чарада сөз сүйлөгөндөр кызматын тапшырып жаткан жетекчилердин университет үчүн жасаган эмгектерин белгилешти. Билимин, иш тажрыйбасын мындан ары да болочок кадрларды даярдоого жумшоого чакырышты.
Ошондой эле мындай жөрөлгө мындан ары да уланса, өсүп келе жаткан жаштарга үлгү болорун белгилешти.