"StudTALANT" ыр долбоору жыйынтыкталды

Башкы Жаңылыктар

"StudTALANT" ыр долбоору жыйынтыкталды

2025-02-06 / 4880 / 12:02:56

ОшМУда факультеттер аралык “STUD Talant” ыр сынагынын финалы өттү. Иш чара Рыспай Абдыкадыров атындагы маданий-эстетикалык борбору тарабынан уюштурулуп, ОшМУнун коомчулук менен иштөө жана жаштар саясаты боюнча проректору Нуржамал Мапаева ачып берди. Ал жаш таланттарга ийгилик каалады.

Финалдык баскычта беш студент биринчилик үчүн ат салышты. Жыйынтыгында Педагогика, искусство жана журналистика институтунун 4-курсунун студенти Элдос Анашев баш байгени жеңип алды. Ал эми экинчи орунду аталган факультеттин 3-курсунун студенти Эмилия Мыктарова, үчүнчүнү 2-курстун студенти Аишабүбү Тойчубекова ээледи. Жеңүүчүлөр долбоордун атайын статуэткасы, кызыктыруучу белектер, дипломдор, акчалай сыйлыктар менен сыйланды. 

Таланттарды тандоодо белгилүү обончу, аткаруучулар, эстрада ырчылары калыстык кылышты.

Ыр сынак окуу жайдагы студенттерге моралдык дем берүү жана эстетикалык табитин арттыруу, таланттуу студенттерди табуу жана аларды коомчулукка даңазалоо, өз ара ынтымагын, достугун арттыруу максатында уюштурулган. Долбоор салтка айланып, быйыл экинчи ирет өткөрүлдү. 

 

Фото галерея

 

2025-12-18 / 144
Эрбол Келдибаев республикалык кытай ырларын аткаруу сынагында жеңүүчү болду 
2025-12-18 / 202
ОшМУ “Кулун-Ата” коругу менен илимий кызматташууну чыңдоодо
2025-12-18 / 234
Европа биримдигинин элчиси ОшМУга келди
2025-12-18 / 257
ЖЫЛ ЖЫЙЫНТЫГЫ: ОшМУ эл аралык рейтингдерде