Айымдардын майрамына арналган волейбол башталды

2025-03-04 / 6992 / 02:03:56

ОшМУнун кесиптик бирлиги 8-март – Аялдардын эл аралык майрамына карата салтка айланган волейбол мелдешин өткөрүүнү баштады.

Мелдешке институт, факультеттерден 18 команда, колледж, лицейлерден алты команда катышууда. Байге фонду – 60 миң сом. Жеңүүчүлөргө уюштуруучулар тарабынан диплом, кубок, акчалай сыйлыктар каралган.

Спорттук иш-чара 6-мартка чейин уланат. Мелдеш профессордук-окутуучулук курамдын ортосундагы достукту чыңдоо, ынтымакты бекемдөө максатында жыл сайын уюштурулуп келет.