Окутуучулар дүйнөлүк TESOL конференциясына катышып, жаңы тенденциялар менен таанышты

2025-04-01 / 816 / 04:04:09

ОшМУнун Филология жана маданият аралык коммуникация институтунун Америка жана котормо таануу кафедрасынын башчысы Гулзат Аипова, окутуучулар Анара Джумабаева, Жамила Жалиева дүйнөлүк англис тилчи мугалимдердин TESOL 2025 эл аралык конференциясына катышты.

Иш-чара 15-марттан 31-мартка чейин АКШнын Калифорния штатындагы Лонг-Бич шаарында өттү. Анда катышуучулар англис тилин окутуу жаатында эң актуалдуу маселелерди, инновациялык методдорду жана педагогикалык тажрыйбаларды талкуулашкан.

Конференциянын алкагында дүйнөнүн ар кайсы бурчунан келген тил адистерине тажрыйба алмашууга, заманбап окутуу стратегиялары боюнча жаңы билим алууга жана кесиптик байланыштарын кеңейтүүгө мүмкүнчүлүк түзүлгөн. Ошондой эле окумуштуулар жана практикалык мугалимдер англис тилин экинчи тил катары окутуунун акыркы тенденциялары менен таанышты.

Эл аралык конференция жаӊы методикаларды иш жүзүндө колдонууга жол ачат.