KABAR: Ошто билим менен ишти айкалыштырган колледж ишке кирди

Башкы Жаңылыктар

KABAR: Ошто билим менен ишти айкалыштырган колледж ишке кирди

Image

2025-10-13 / 1838 / 09:10:16

Ош мамлекеттик университетинин Индустриалдык-педагогикалык колледжи жаңы форматта иштей баштады. Колледж заманбап жабдуулар менен камсыздалып, билим берүү менен иштөөнү айкалыштырган окутуу системасын киргизди. Бул тууралуу аталган колледждин директору Мирланбек Манашов билдирди.

Анын айтымында, долбоор Азия өнүктүрүү банкынын каржылык колдоосу менен ишке ашкан. Жалпысынан 68 миллион сом инвестиция тартылып, анын алкагында заманбап окуу корпусу, жатаканалар, окуу каналары жана керектүү техникалык жабдуулар алынган.

“Колледжде жети адистик боюнча билим берилет. Бул адистиктердин бардыгы Азия өнүктүрүү банкы тарабынан каржыланды. Биздин негизги максат улуттук жана эл аралык стандарттарга жооп берген, заман талабына шайкеш кесиптик көндүмдөргө ээ компетенттүү адистерди даярдоо. Колледж Кыргызстанда жана дүйнөлүк деңгээлде таанылган, атаандаштыкка жөндөмдүү окуу жай болууну көздөйт”, - деди Манашов.

Ал белгилегендей, колледждин миссиясы - өлкөнүн жана региондун социалдык-экономикалык муктаждыктарын эске алуу менен сапаттуу кесиптик билим берүүнү камсыз кылуу.

Колледждин негизги милдеттери төмөнкүлөрдү камтыйт:

Коомдун жана өлкөнүн талаптарына жооп берген орто кесиптик адистерди даярдоо;

Материалдык-техникалык базаны үзгүлтүксүз өнүктүрүү;

Билим берүү процессин мамлекеттик стандарттарга ылайык жүргүзүү;

Жумуш берүүчүлөр жана кызыктар тараптар менен социалдык өнөктөштүктү бекемдөө;

Бүтүрүүчүлөрдү эмгек рыногунда ийгиликтүү жайгаштырууга көмөктөшүү жана студенттердин өзүн-өзүн каржылоого шарт түзүү.

Колледждин студенти Сезим Нурманбетованын айтымында, колледжде окуу менен бирге иштөөгө да шарт түзүлгөн.

“Учурда медициналык халаттарды тигип жатабыз. Окуумдун контрагынын суммасы 25 миң сомду түзөт. Окуудан сырткары иштеп, бир айда 25 миң сомдун тегерегинде акча табам. Демек, окуу акысын өзүбүз төлөп, үй-бүлөбүзгө да жардам бере алабыз. Колледждин негизги максаты – студенттерди өз алдынча жашоого жана кесипке ээ болууга үйрөтүү”, - деди ал.

 

Булак: kabar.kg

 

2025-12-05 / 355
Студенттер карыялардан кабар алып, жардам көрсөтүштү
2025-12-05 / 280
ОшМУнун окутуучулары жасалма интеллектин жардамында эпосторду окутуу боюнча баяндама жасашты
2025-12-05 / 339
ОшМУнун окумуштуулары Ташкенттеги эл аралык жыйында изилдөөлөрү менен бөлүштү
2025-12-05 / 356
«Жүрөктүн жылуулугу – балдарга» акциясы: окутуучулар жана студенттер балдар үйүнө жардам беришти