“Келечектин окумуштуулары” долбоорунун алкагында илимий-билим берүү иш-чарасы өттү

Башкы Жаңылыктар

“Келечектин окумуштуулары” долбоорунун алкагында илимий-билим берүү иш-чарасы өттү

Image

2025-10-28 / 1464 / 10:10:08

27-октябрда ОшМУнун Филология жана маданияттар аралык коммуникациялар институтунда масштабдуу илимий-билим берүү иш-чарасы болуп өттү.

“Келечектин окумуштуулары” эл аралык долбоорунун алкагында уюштурулган иш-чарада Москвадагы А. Пушкин атындагы мамлекеттик орус тили институтунун даярдоо факультетинин деканы Галина Купцова «Орус тили тилдердин диалогунда» темасында лекция окуду.

Катышуучулар түрк дүйнөсүндөгү тилдик иденттүүлүк, тилдердин тарыхый байланыштары, айрыкча якут–кыргыз тилдик байланыштарынын өзгөчөлүктөрү тууралуу кызыктуу талкууларды угушту. Илимий талкууларда Мария Милованова жана Алексей Антипов жасалма интеллект, чоң маалыматтар негизиндеги тилди сактоо технологиялары тууралуу презентацияларды сунушташты. Ал эми Елена Петривняя “Улуттук мүнөздүн алиппеси”, “Пушкин жомокторундагы түс жана жарык” темасындагы мастер-класстарды өткөрүп, адабият менен маданияттын байланышын жаңы көз карашта түшүндүрүп берди.

Иш-чаранын катышуучулары викториналарга, практикалык тапшырмаларга катышып, теориялык билимди бекемдеп, жаңы изденүүлөргө шыктануу мүмкүнчүлүгүнө ээ болушту.

Долбоор Орусиянын Илим жана жогорку билим берүү министрлиги, аталган өлкөнүн Тышкы иштер министрлигинин колдоосу менен ишке ашырылууда. Ага Орусиянын алдыңкы жогорку окуу жайларынан жана илимий уюмдарынан куралган элүүдөн ашык эксперт, белгилүү окумуштуулар, изилдөөчүлөр катышууда. Алар иш-чараларды Кыргызстан, Өзбекстан, Монголия, Армения жана Казакстанда улантат.

 

 

Фото галерея

 

2025-12-05 / 252
Студенттер карыялардан кабар алып, жардам көрсөтүштү
2025-12-05 / 191
ОшМУнун окутуучулары жасалма интеллектин жардамында эпосторду окутуу боюнча баяндама жасашты
2025-12-05 / 249
ОшМУнун окумуштуулары Ташкенттеги эл аралык жыйында изилдөөлөрү менен бөлүштү
2025-12-05 / 259
«Жүрөктүн жылуулугу – балдарга» акциясы: окутуучулар жана студенттер балдар үйүнө жардам беришти