Эл аралык форумдагы сынакта ОшМУнун студенттери жеңишке жетти

Башкы Жаңылыктар

Эл аралык форумдагы сынакта ОшМУнун студенттери жеңишке жетти

Image

2025-11-28 / 709 / 03:11:03

Ош технологиялык университетинде “Жеткиликтүү чөйрө: Кыргыз Республикасындагы инклюзивдик жана бирдей мүмкүнчүлүктөр” аттуу эл аралык форум өтүп, анын алкагында студенттер арасында сынак уюштурулду. 

Мелдеште командалар презентация, тематикалык викторина жана долбоордук сунуштарды коргоо этаптарында өз идеяларын сунуштады. Жыйынтыгында ОшМУнун Экономика, бизнес жана менеджмент институтунун социалдык иштер багытынын студенттеринен түзүлгөн “Лумина” командасы мыкты жыйынтык көрсөтүп, биринчи даражадагы диплом менен сыйланды.

Форум 27-ноябрда болуп, ага институттун  Социалдык иштер кафедрасынын башчысы Нурзинат Токторбекова баштаган окутуучулар катышты. Анда  инклюзивдүүлүктүн укуктук негиздери, социалдык адаптация, тоскоолдуксуз чөйрө, санариптик жеткиликтүүлүк жана мамлекеттик деңгээлдеги өнүгүү тенденциялары боюнча баяндамалар орун алды.


 

Фото галерея

 

2025-12-05 / 165
Студенттер карыялардан кабар алып, жардам көрсөтүштү
2025-12-05 / 116
ОшМУнун окутуучулары жасалма интеллектин жардамында эпосторду окутуу боюнча баяндама жасашты
2025-12-05 / 198
ОшМУнун окумуштуулары Ташкенттеги эл аралык жыйында изилдөөлөрү менен бөлүштү
2025-12-05 / 215
«Жүрөктүн жылуулугу – балдарга» акциясы: окутуучулар жана студенттер балдар үйүнө жардам беришти