ОшМУда маалыматтык системалардагы коопсуздук боюнча окутуу өттү

Башкы Жаңылыктар

ОшМУда маалыматтык системалардагы коопсуздук боюнча окутуу өттү

Image

2025-12-02 / 537 / 05:12:02

Ош мамлекеттик университетинде билим берүү жана административдик процесстеринде активдүү колдонулган MyEDU маалыматтык системасына эки факторлуу аутентификация (2FA) расмий түрдө ишке киргизилди.

Буга байланыштуу окуу жайдагы тиешелүү түзүмдөрдүн жетекчилери жана кызматкерлерине аутентификациянын мазмуну, практикалык колдонуу тартиби боюнча  семинар уюштурулду. Анда университеттин санариптик трансформация жана электрондук билим берүү боюнча проректору Улар Молдояров 2FAнын маанилүүлүгү, маалыматтык системаларды коргоодогу ролу, бул механизм аркылуу колдонуучунун аккаунтун сыр сөз уурдоодон же мыйзамсыз кирүүдөн сактоонун артыкчылыктары тууралуу кеңири маалыматтарды берди.

Ошондой эле ОшМУнун IT академиясынын адистери катышуучуларга төмөнкү багыттар боюнча кеңири түшүндүрмө беришти:

  • MyEDU системасындагы эки факторлуу аутентификациянын иштөө алгоритми жана аны активдештирүү кадамдары;
  • Маалыматтык системаларда коопсуз иштөө маданияты жана колдонуучулардын жоопкерчилиги;
  • Сырсөздөрдү түзүү, жаңыртуу жана коопсуз сактоо боюнча практикалык сунуштар;
  • Фишинг, социалдык инженерия жана заманбап киберкоркунучтардын негизги түрлөрү;
  • ОшМУнун санариптик коопсуздук саясатынын талаптары жана ички регламенттер.

Окутуу  университеттин бардык бөлүмдөрүндө санариптик коопсуздук боюнча бирдиктүү түшүнүктү калыптандыруу, кызматкерлердин маалымдуулугун жогорулатуу жана MyEDU платформасында коопсуз иштөө шарттарын камсыздоо максатында демилгеленген. 

ОшМУ санариптик трансформация процессинде коопсуздукту өзгөчө мааниге ээ стратегиялық багыт катары карманып, маалыматтык коопсуздукту чыңдоо боюнча иштерди мындан ары да ырааттуу уланта берет.

 

Фото галерея

 

2025-12-05 / 34
Студенттер карыялардан кабар алып, жардам көрсөтүштү
2025-12-05 / 43
ОшМУнун окутуучулары жасалма интеллектин жардамында эпосторду окутуу боюнча баяндама жасашты
2025-12-05 / 167
ОшМУнун окумуштуулары Ташкенттеги эл аралык жыйында изилдөөлөрү менен бөлүштү
2025-12-05 / 194
«Жүрөктүн жылуулугу – балдарга» акциясы: окутуучулар жана студенттер балдар үйүнө жардам беришти