Бишкекте өткөн орто кесиптик окуу жайлар арасындагы спартакиадада Ош мамлекеттик университетинин (ОшМУ) Эл аралык билим берүү программалары колледжинин кыздар волейбол командасы чемпион аталды.
Финалдык оюндарда Ош мамлекеттик педагогикалык университетинин командасын 2:0, Бишкек музыкалык-педагогикалык институтунун командасын 2:0 эсебинде утуп, биринчиликти багынтты.
Команданы университеттин окутуучусу жана машыктыруучу Айнура Ботобекова даярдады.
Мелдештер 28-ноябрдан 5-декабрга чейин Кыргыз улуттук университетинин (КУУ) спорт базасында өтүп, өлкө боюнча 20 команда катышты. Спартакиада спорттун олимпиадалык түрлөрүн жана спорттук-массалык иш-чараларды колдоо максатында «Жаштык» дирекциясы тарабынан уюштурулду.