Асылбек Эшиев калктын ден соолугун сактоого арналган талкууга катышты

Башкы Жаңылыктар

Асылбек Эшиев калктын ден соолугун сактоого арналган талкууга катышты

Image

2026-02-09 / 292 / 02:02:12

4-февралда Педагогика, искусство жана журналистика институтунун педагогика кафедрасынын профессору Асылбек Эшиев Орусиядагы онлайн илимий иш-чарада баяндама жасады. 

Талкуунун алкагында ал «Калктын ден соолугун сактоонун социалдык-психологиялык технологияларынын актуалдуулугу жөнүндө» аттуу баяндамасын сунуштады. Анда коомдук ден соолукту чыңдоодо социалдык-психологиялык ыкмалардын ролу, алдын алуу иштериндеги натыйжалуулугу жана бүгүнкү күндөгү коомдук чакырыктар тууралуу сөз кылды.

Илимий дискуссия тажрыйба алмашуу, илимий идеяларды практика менен айкалыштыруу, калктын ден соолугун сактоого багытталган заманбап социалдык-психологиялык технологияларды өркүндөтүүгө багытталган.  Аны В.И. Вернадский атындагы Крым федералдык университетинин Армянск шаарындагы Педагогикалык билим берүү жана менеджмент институту уюштурган. 

Асылбек Эшиев философия илимдеринин доктору. Ошондой эле Кыргызстандын «Тең укуктар жана мүмкүнчүлүктөр» коомдук фондунун жетекчиси.


 

 

 

Фото галерея

 

2026-02-09 / 397
Польша–Кыргызстан RITA долбоору: эмчек рагын алдын алуу боюнча тренинг өттү
2026-02-09 / 324
ОшМУ Кыргызстандагы өнөкөт ооруларды изилдеген эл аралык долбоорго катышат
2026-02-09 / 357
ОшМУ Кореянын ири IT-окуу жайы менен кызматташат
2026-02-06 / 689
Кыргыз дарыгери Жапонияда илим жасап, өлкө үчүн иштеп жатат