ОшМУ менен ЖАМУ социалдык иш адистигинин билим берүү программасын талкуулады

Башкы Жаңылыктар

ОшМУ менен ЖАМУ социалдык иш адистигинин билим берүү программасын талкуулады

Image

2026-03-10 / 140 / 04:03:01

10-мартта Ош мамлекеттик университетинде (ОшМУ) Индустриалдык-педагогикалык коллеждин педагогика, психология жана социалдык иштер циклдык комиссиясынын окутуучулары менен Жалал-Абад мамлекеттик университетинин (ЖАМУ) Экономикалык-юридикалык коллежинин өкүлдөрүнүн катышуусунда тажрыйба алмашуу жолугушуусу өттү.

Анда Экономикалык-юридикалык коллежинин директору Айнагүл Ташматова, социалдык иш предметтик циклдык комиссиясынын башчысы Наргиза Сатымкулова жана окутуучу Айтбү Анарбай кызы катышты. Иш-чаранын алкагында социалдык иш адистигинин билим берүү программасы талкууланды.

Талкууда эки окуу жайдын окутуучулары социалдык иш адистигинин окуу планы, дисциплиналардын мазмуну, студенттердин практикалык даярдыгын уюштуруу маселелери боюнча пикир алышты. Ошондой эле социалдык кызмат көрсөтүү мекемелери менен кызматташууну кеңейтүү, студенттердин кесиптик компетенцияларын өнүктүрүү, интерактивдүү окутуу ыкмаларын колдонуу маселелери каралды.

Жыйынтыгында билим берүү программаларын өркүндөтүү, практикалык окутууну күчөтүү жана окуу жайлар аралык кызматташууну улантуу боюнча сунуштар айтылды.














 

Фото галерея

 

2026-03-10 / 140
Студенттердин эки стартап-долбоору «Студенттик стартап – 2025» сынагында жеңүүчү аталды
2026-03-10 / 89
Студенттерге экстремизмди алдын алуу боюнча түшүндүрүү иш-чарасы өттү
2026-03-10 / 119
ОшМУнун окутуучулары санариптик билим берүү боюнча тажрыйба бөлүштү
2026-03-10 / 266
Илим, жогорку билим берүү жана инновациялар министрлиги Академиялык инновациялык фондунун (АИФ) гранттарына сынак жарыялайт