ОшМУда филология багытындагы түзүмдөр кайра уюштурулду

Башкы Жаңылыктар

ОшМУда филология багытындагы түзүмдөр кайра уюштурулду

Image

2026-09-18 / 105 / 02:09:30

10-сентябрда өткөн Окумуштуулар кеңешинин жыйынында Филология жана маданияттар аралык коммуникация институтун кайра уюштуруу маселеси каралып, тиешелүү чечим кабыл алынды.

Институттун базасында үч факультет кайра түзүлдү:

  • Кыргыз филологиясы жана журналистика факультети;
  • Орус филологиясы факультети;
  • Чет тилдер факультети.

Мындан тышкары Педагогика, искусство жана журналистика институтунун курамындагы журналистика багыты кыргыз филологиясы жана журналистика факультетине өткөрүлдү. Ал эми аталган институт мындан ары Педагогика жана искусство институту деп аталат.

Кайра уюштуруунун алкагында Филология жана маданияттар аралык коммуникация институтунун профессордук-окутуучулук курамы, кызматкерлери жаңы түзүлгөн факультеттерге которулат. Алардын жумуш орду жана айлык маянасы сакталат.

Жаңы түзүмдөрдүн иши окуу процессин уюштурууну, филология багытындагы билим берүүнү мындан ары жакшыртууга багытталат.

 

2026-09-18 / 168
Студенттер Бишкектеги ветеринардык клиникада практикадан өтүштү
2026-09-17 / 327
ДҮЙНӨНҮ БАГЫНДЫРГАН СТУДЕНТТЕР: ЭРМЕК КАПАШЕВДИН ИЙГИЛИК ЖОЛУ
2026-09-17 / 546
ОшМУда санарип доордогу англис тилинин келечеги талкууланууда
2026-09-16 / 659
Турсун Юлдашев ОшМУнун ардактуу профессору болду