Окумуштуу жана устат 80 жашта!

Башкы Жаңылыктар

Окумуштуу жана устат 80 жашта!

Image

2022-12-09 / 6668 / 03:12:31

Орус филологиясы факультетинде белгилүү адабиятчы, педагог-насаатчы, дүйнөлүк адабият кафедрасынын профессору Николай Мурадымовдун 80 жылдык мааракесине карата салтанаттуу иш-чара болуп өттү.

Мааракелик форумга илимий иштер боюнча проректор Руслан Арапбаев катышып, ОшМУнун ректорунун атынан куттуктоо сөзүн айтты.  Ошондой эле, илимпоздор, кесиптештери, Ош облусундагы мектептерден мугалимдер,  жазуучулар, интеллигенциянын чөйрөсүнүн өкүлдөрү катышты.

Коноктор агайдын басып өткөн бай жана маңыздуу өмүр жолуна токтолушуп, анын илимий эмгектерин, жаш муундарды тарбиялоого, орус тили жана адабияты боюнча жогорку квалификациялуу мугалимдерди даярдоого кошкон жарым кылымдык салымын белгилешти.

Спектаклдер, концерттик программалар менен коштолуп, орус адабиятынан алынган чыгармалардан театрлаштырылган оюн-зооктор менен коюлду.

Николай Мурадымов орус филологиясы факультетинде 1970-жылдан бери эмгектенип келет. 150дөн ашык илимий, жана публицистикалык макалалардын жана 5 методикалык, окуу куралдарынын автору. Көп жылдык үзүрлүү ишмердүүлүгү үчүн ОшМУнун, Билим берүү жана илим министрлигинин Ардак грамоталары менен сыйланган, СССР эл агартуусунун отличниги, ОшМУнун эмгек сиңирген ишмери деген ардактуу наамдарга ээ.

Фото галерея

 

2024-04-24 / 608
ОшМУ Кореянын Пэй Чэй университети менен меморандумга кол койду
2024-04-24 / 653
Билим берүү: Сабактарда алдыңкы  тажрыйбаны жайылтуу колго алынууда
2024-04-24 / 678
БҮГҮНКҮНҮН ДҮЙШӨНҮ - ГАПЫР МАДАМИНОВ ОШМУДА
2024-04-24 / 591
ОшМУнун студенттери "Кыргыз-Казак" жаштар форумуна катышты