ОшМУда “Фиджитал оюндары I” киберспорт турнири өттү

Башкы Жаңылыктар

ОшМУда “Фиджитал оюндары I” киберспорт турнири өттү

2024-05-18 / 3012 / 11:05:27

ОшМУнун 85 жылдык мааракесине карата жогорку окуу жайлар аралык “Фиджитал оюндары I” киберспорт турнири өттү.

1-этапта футбол симуляторунда, 2-этапта мини футбол талаасында оюн болду. Оюндун жүрүшү ОшМУнун ютуб каналында түз эфирде көрсөтүлүп турду.

Мелдешке ОшТУ, КӨЭУ жана ОшМУнун студенттеринен турган 8 команда катышты. Жыйынтыгында 1-орунду ээлеген КӨЭУнын “Navi”командасы кубок, медаль, 15000 сом акчалай сыйлык, 2-орунду ээлеген ОшМУнун МФТИТ институтунун “Мадрид” командасы 10000 сом акчалай сыйлык, 3- орунду ээлеген ОшМУнун медицина факультетинин “Медфак-3” командасы 5000 сом акчалай сыйлык менен сыйланды.

Фиджитал оюндарын ОшМУнун МФТИТ институту демилгелеп Кыргызстан киберспорт федерациясы менен биргеликте өткөрдү.