Спорт тармагындагы 105 термин кыргызча чечмеленди

Башкы Жаңылыктар

Спорт тармагындагы 105 термин кыргызча чечмеленди

Image

2025-10-07 / 1762 / 12:10:33

ОшМУнун окутуучуларынын “Спорт дүйнөсүндөгү терминдерди изилдөө, маанисин чечмелөө жана колдонуу” аталышындагы окуу колдонмосу жарык көрдү. Аны Бакыт Кулуев, Жолдубай Айткулов, Алмаз Атабаев, жана Таирбек уулу Эрлан демилгелеп, даярдаган.

Колдонмодо спорт тармагындагы 105 термин кыргызча чечмеленип берилген. Китепке баш сөз жазган Кабыл Макешов буларды айтты:

“Спорт дүйнөсүнө 40 жылдан бери аралашып, 12 олимпиадалык оюндардан (жети жайкы, беш кышкы) жана алты Азия оюндардан жеринен түз репортаж берип, спорт туралуу 20 китеп жазган спорт журналисти катары ар бир спорттун түрү өзүнүн терминологиясы менен айрымаланы турганын, баяндоо учурунда кыргызча маанисин түшүндүрүү кыйын экенин баштан кечиргем. Ошондуктан ХХ кылымдан баштап дүйнө жүзүндө спорттун көп түрү пайда болгондуктан жаңы терминдердин прогрессивдүү көбөйүшү менен спорт күйөрмандарына, адистерине анын маанисин так, даана түшүндүрүү да кыйынчылыктарды жаратып келе жатат. Бул эмгектер терминдерди ОшМУнун окумуштуу адистери абдан жеткиликтүү которгону кубандырат. Эмгек терминдердин кыргызча варианттарын байытууга чоң салым кошот деп ишенем”.

Окуу колдонмо дене тарбия адистигинде билим алып жаткан студенттерге, спорт журналисттерине, педагог-окутуучуларга жана спорт күйөрмандарына арналган. 

 

 

2025-12-05 / 355
Студенттер карыялардан кабар алып, жардам көрсөтүштү
2025-12-05 / 280
ОшМУнун окутуучулары жасалма интеллектин жардамында эпосторду окутуу боюнча баяндама жасашты
2025-12-05 / 339
ОшМУнун окумуштуулары Ташкенттеги эл аралык жыйында изилдөөлөрү менен бөлүштү
2025-12-05 / 356
«Жүрөктүн жылуулугу – балдарга» акциясы: окутуучулар жана студенттер балдар үйүнө жардам беришти