ОшМУнун «Креатив хаб» кружогу эл аралык фестивалга катышты

Башкы Жаңылыктар

ОшМУнун «Креатив хаб» кружогу эл аралык фестивалга катышты

2025-12-01 / 471 / 03:12:53

Педагогика, искусство жана журналистика институтунун педагогика кафедрасынын «Креатив хаб» кружогунун студенттери жана кафедра башчысы Гулмира Жутанова баштаган делегация Анжиян мамлекеттик чет тилдер институту уюштурган эл аралык фестивалга катышты.

Фестиваль 29-ноябрда өттү. 14 өлкөдөн келген катышуучулар улуттук маданий салттарды жана улуттук тамак-аштарды, оюн-зоок, чыгармачылык номерлерди тартуулашты. Мында алар үчүн маданий баарлашууга жана тажрыйба алмашууга кеңири мүмкүнчүлүк түзүлдү.

ОшМУнун делегациясы кыргыз маданиятын таанытуу, студенттердин тажрыйбасын кеңейтүү жана улуттар аралык байланышты чыңдоо багытында иш-чарага жигердүү катышты. Ошондой эле эки окуу жайдын ортосундагы кызматташтыкты өркүндөтүү боюнча сүйлөшүүлөр жүрдү.

Иш-чара окуу жайлар ортосундагы кызматташтыкты чыңдоо, улуттар аралык достукту өнүктүрүү, маданият аралык байланыштарды бекемдөө максатында уюштурулган.