Математика олимпиадасында Индустриалдык-педагогикалык коллежинин студенти жеңүүчү болду

Башкы Жаңылыктар

Математика олимпиадасында Индустриалдык-педагогикалык коллежинин студенти жеңүүчү болду

2026-03-02 / 199 / 12:03:50

27-февралда Индустриалдык-педагогикалык коллежинде коллеждер аралык математика олимпиадасынын үчүнчү туру өткөрүлдү.

Олимпиада биринчи курс студенттери үчүн уюштурулуп, ага STEM инновациялык коллежи, Индустриалдык-педагогикалык коллеж, Курулуш коллежи жана Айыл чарба коллежинин 22 студенти катышты. Жыйынтыгында төмөнкү студенттер мыкты деп табылды:

Биринчи даражадагы диплом:

Муштарибону Косимова (Индустриалдык-педагогикалык коллежи). Даярдаган мугалими – Назгүл Нишанбаева.

Экинчи даражадагы диплом:

Арууке Мамашапипова (STEM инновациялык коллежи). Окуткан мугалими – Наргиза Мурзалиева;
Амина Кошмаматова (STEM инновациялык коллежи). Окуткан мугалими – Бүүзинат Камалидинова.

Үчүнчү даражадагы диплом:

Мохира Халмурзаева (Индустриалдык-педагогикалык коллежи). Окуткан мугалими – Анара Токтосунова;
Умар Жеңишбеков (STEM инновациялык колледжи). Окуткан мугалими – Гүлбарчын Жээнбаева;
Нурмухаммед Зулунов (STEM инновациялык коллежи). Окуткан мугалими – Наргиза Мурзалиева.

Белгилей кетсек, жеңүүчүлөр IV турга катышып, Ош шаарындагы башка коллеждер менен күч сынашат.