ОшМУда чет элдик мугалимдер заманбап окутуу ыкмалары менен бөлүштү

Башкы Жаңылыктар

ОшМУда чет элдик мугалимдер заманбап окутуу ыкмалары менен бөлүштү

2026-03-19 / 138 / 10:03:14

18-мартта Математика, физика, техника жана маалыматтык технологиялар институтунда студенттер үчүн мастер-класстар өткөрүлдү.

Сабактар Орусиянын Билим берүү министрлигинин «Чет өлкөдөгү орус мугалими» долбоорунун алкагында уюштурулуп, аны Улан-Удэ, Горно-Алтайск жана Учалы шаарларынан келген тажрыйбалуу мугалимдер өткөрүштү. Мастер-класс кызыктуу жана практикага багытталган форматта уюштурулуп, студенттерге пайдалуу маалыматтар берилди. Катышуучулар «Акыл-эстин күчү: физика жана математика практикада» программасы боюнча жаңы ыкмалар менен таанышышты. Ошондой эле төмөнкү темаларда лекциялар жана практикалык сабактар өттү:

математиканы окутуунун заманбап ыкмалары;
компьютердик илимдердеги инновациялар;
студенттерди жаратылыш илимдерине кызыктыруу жолдору;
математикада долбоордук иштерди уюштуруу;
менталдык арифметиканын негиздери.

Иш-чаранын жүрүшүндө окутуучулар өз ара тажрыйба алмашып, мектептер менен кызматташуу жана биргелешкен долбоорлорду ишке ашыруу маселелерин талкуулашты. Мастер-класстар педагогика илимдеринин доктору Аида Келдибекованын демилгеси жана «Русский Мир» фондунун Орус борборунун директору Замфира Мискичекованын колдоосу менен өткөрүлдү.