Билим сапатын баалоо боюнча генералдык рейтингде ОшМУ алдыга чыкты

Башкы Жаңылыктар

Билим сапатын баалоо боюнча генералдык рейтингде ОшМУ алдыга чыкты

Image

2022-06-28 / 7133 / 01:06:14

 “Аккредитациялоо жана рейтинг боюнча көз карандысыз агенттиги” (НААР) тарабынан өткөрүлгөн “Кыргыз Республикасынын ЖОЖдорунун суроо-талап рейтинги – 2022” программасынын жыйынтыгы боюнча  ОшМУ институционалдык рейтингдин  жалпы генералдык рейтингинде 1-орунду ээледи.

Рейтингде ОшМУ бакалавр боюнча катышкан 72 программанын ичинен 26 программасы боюнча 1-орунду, 7 программадан 2-орунду ээледи. Ал эми магистратура боюнча катышкан 46 программанын ичинен 27 программадан 1-орунду, 1 программадан 3-орунду камсыздады.

Кыргыз Республикасынын ЖОЖдорунун көз карандысыз рейтингинин мониторинги - 2022, Кыргызстандын ЖОЖдорунун профессордук-окутуучулук курамынын басмаканалык активдүүлүгү жаатында ТОП-50 рейтинги да чыккан. ТОП-50гө жалпы 400гө жакын профессордук-окутуучулук курам кирсе, анын ичинен 148 окумуштуу ОшМУда эмгектенишет. ТОП-10 ОшМУда эмгектенген 4 окумуштуу ТОП-10го кирди. Ал эми ТОП-30га кирген 49 окумуштуунун 28 ОшМУда эмгектенет.

Өлкөнүн ЖОЖдорунда билим берүүнүн интернационалдаштырылышынын өнүгүшү, "Академиялык мобилдүүлүк" индикаторунун баалоосу боюнча да ОшМУ 1-орунда турат.

ОшМУ 2018-жылы Казакстандык эл аралык НААР агенттигинен институционалдык аккредитациядан Кыргызстанда  биринчилерден болуп өткөн. 2018-2019-жылдан бери аталган агенттик Кыргызстандык жогорку окуу жайлардын улуттук рейтингин чыгарып келет. ОшМУ бул аралыкта 5 жыл катары менен генералдык рейтингинде 1-орунду камсыздады.

Жогорудагы маалымат “Аккредитациялоо жана рейтинг боюнча көз карандысыз агенттигинин” (НААР) https://iaar.agency/rating/8/0/2022  сайтында берилген.

 

Фото галерея

 

2024-04-29 / 1520
ОшМУда Борбордук Азиядагы климаттын өзгөрүшү талкууланууда
2024-04-29 / 1419
ОшМУнун студенти эл аралык сынакка катышат
2024-04-27 / 2013
«Ednet» агенттиги тарабынан аккредитациялоо жараяны  өттү
2024-04-26 / 2512
ОшМУга 85 жыл: "Алтын үн" сынагы жыйынтыкталды