ОшМУнун ондон ашык программасы эл аралык аккредитациядан өттү

Башкы Жаңылыктар

ОшМУнун ондон ашык программасы эл аралык аккредитациядан өттү

2026-04-23 / 335 / 06:04:37

20-22-апрель күндөрү Аккредитация жана рейтинг көз карандысыз агенттиги (НААР) Ош мамлекеттик университетинин (ОшМУ) бир катар билим берүү программаларынын сапатына тышкы баа берди.

Баалоого физика-математикалык, маалыматтык технологиялар жана медицина багыттарындагы бакалавр, магистратура, адистик, PhD программалары кирди. Анын ичинде физика-математикалык билим берүү, колдонмо математика жана информатика, информатика жана эсептөө техникасы, информациялык системалар жана технологиялар, колдонмо информатика, математика, физика магистратура программалары бар.

Медицина багытынан дарылоо, мээрман-айым, лаборатория иштери, нутрициология, медицина, коомдук саламаттыкты сактоо боюнча PhD программалары текшерилди. Дарылоо иши чет элдик студенттер үчүн ачылган программа.

Баалоо учурунда эксперттер ар бир программанын өздүк баалоо отчетун талдады. Ошондой эле университет жетекчилиги, кызматкерлер, окутуучулар, студенттер, бүтүрүүчүлөр, иш берүүчүлөр менен жолугуп сүйлөштү. Эксперттер окуу процесси кандай уюштурулганын, программалардын мазмунун жана материалдык-техникалык базанын абалын комплекстүү текшеришти.

Мындай эл аралык аккредитация билим сапатын жогорулатууга, стандарттарды өркүндөтүүгө, университеттин атаандаштыгын күчөтүүгө жардам берет.