Профессор Акматали Алимбековдун «Кыргыз эл педагогикасы» монографиясынын бет ачары өттү

Башкы Жаңылыктар

Профессор Акматали Алимбековдун «Кыргыз эл педагогикасы» монографиясынын бет ачары өттү

Image

2026-11-13 / 169 / 08:11:05

ОшМУда педагогика илимдеринин доктору, профессор, Кыргыз Республикасынын Эл мугалими Акматали Алимбековдун «Кыргыз эл педагогикасы» аттуу монографиясынын бет ачары болду.

Иш-чарага коомчулук менен иштөө жана жаштар саясаты боюнча проректору Нуржамал Мапаева, билим берүүнүн сапаты бөлүмүнүн башчысы Махабат Былыкова, Кыргызстандын эмгек сиңирген мугалими Гапыр Мадаминов, педагогика илимдеринин доктору Бекмурза Зулуев, профессор Топчубай Исаков, доценттер Инабат Даминова, Абдыкерим Исаев, окутуучулар, магистранттар жана студенттер катышты.

Иш-чараны ачкан Нуржамал Мапаева профессордун кыргыз педагогикасынын өнүгүшүнө кошкон салымын белгилеп, элдик тарбия тажрыйбасын изилдөө, аны билим берүүдө колдонуу маанилүү экенин айтты.

Автордун илимий-педагогикалык ишмердүүлүгү тууралуу даректүү тасма көрсөтүлдү. Андан соң Акматали Алимбеков китептин жазылуу тарыхы, негизги мазмуну жана максаты тууралуу айтып берди. Монографияда кыргыз элинин муундан муунга өтүп келген тарбия тажрыйбасы камтылган. Анда адеп-ахлак, эмгек, дене тарбиясы, эстетикалык жана акыл тарбиясы өзүнчө бөлүмдөрдө каралган. Ошондой эле улуттук тарбияны азыркы билим берүүдө колдонуу жолдору көрсөтүлгөн.

Бет ачардын жүрүшүндө катышуучулар китептин мааниси, кыргыз эл педагогикасын өнүктүрүүдөгү орду, келечектеги мугалимдер үчүн пайдасы тууралуу пикир алышты.

Педагогика кафедрасынын башчысы Гүлмира Жутанова профессор Акматали Алимбековду Эл мугалими ардактуу наамына ээ болушу менен куттуктап, чыгармачылык жана илимий иштерине ийгилик каалады.

Иш-чара педагогика кафедрасы тарабынан демилгеленип уюштурулду.

Фото галерея

 

2026-11-13 / 111
Ошто аялдардын облустук форуму өттү
2026-11-13 / 320
ОшМУнун курама командасы таяк тартыш боюнча шаардык биринчиликте жеңишке жетти
2026-11-13 / 313
Студенттер этнотуризмдин өнүгүшү, келечеги тууралуу маалымат алышты
2026-11-13 / 317
ОшМУнун делегациясы Кытайдагы GLAST 2026 форумуна катышты